近年日本過江龍拉面在香港開到成巷成市，哈日族思鄉病發作，就要去搵緊好有日本風格的拉面店思下鄉！
我跟男友都是哈日族，思鄉病正是發作，所以就跑到銅鑼灣的“拉面街”（登龍街）食拉面啦！
今次就去到「Bari-Uma 廣島霸嗎拉麵」一試它們的拉面啦∼
看到這麼日本風的門面實在非常吸晴，我們是星期六中午光顧的，人流不算太多，所以不用等位！
也有以日本字的文字印在牆上，有客人入內，職員都要大聲說「歡迎光臨」(日文)，感覺真係好似返左日本咁！
還有近期新推出的最強惹味香辣拉面，睇到相片都覺得辣，因為唔太食辣所以就放棄了！
主要拉面有豚肉及雞肉可選，還有一些小吃及飲品可以選擇！
選好就可以用點菜紙寫上，而拉面可以再選面的軟硬度、少油及蔥的數量，都可以mark在點菜單上！
上面有一大片豚肉，上面有少量辣醬，仲有半熟蛋、蔥及味筍！
這碗拉面味比較濃厚，豚肉好香好易咬開，應該是微煎過，再浸在湯食都好香好惹味！
拉面份量好足夠，唔會因為面底太細而唔夠飽，拉面我選了硬身，好有口感，正！
上面有兩片雞叉燒，好多人以為叉燒係豬肉，但它們的是用雞來製作∼
餃子皮薄多汁，菜肉份量均等，不會太過油膩，沾上餃子汁調起餃子的味道，味道不太咸不太濃！正！
雖然是炸的，但炸粉不會太多，辣汁其實也不算太辣，是帶有少少甜辣味，幾惹味！
咬落去是肉質都幾嫩幾好咬口，有D醬伴住一齊食感覺上冇咁熱氣，不知不覺就清碟了！
我們加了一碗粟米粒，加入拉面內，將口感及粟米的甜度再加多一重！
最後我們都把拉面全都清光，碗上就出現有文字，是店舖的名字之一，好有趣！
來到這間日本風格的食店，點返支日本的波子汽水飲真係裡裡外外都幻想自己在日本！哈哈！
平時也不用跟風去某些名牌的拉面店，幫襯下這些沒太多宣傳的拉面店，真係有驚喜！
拉面湯底好正，濃而不膩，連其他小吃都好好味，仲有不同的小吃、飲品及甜品提供，真係好岩喜歡多選擇的香港人食！
Bari-Uma 廣島霸嗎拉麵
地址：銅鑼灣登龍街28號永光中心地下
Instagram: FINGYANWING.MAKEUP
＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
|
