這次去到這間Olive Café，也是住在大埔的朋友介紹的！

Olive Café原來的港九都有多間分店架∼

這間分店就在地鋪，都好易搵到，餐廳內光猛整潔，座位都比較寬敞！

我們一行四人，就要點餐啦！

跟普偏的西餐廳一樣，它們設有Set Dinner的，不過我們都不合口味，所以就決定散叫了！

菜式比較多樣，多個國家的菜式都有！

而且有特色飲品及Mocktail，真係總有一款岩你心意！

不管你點什麼菜式，餐廳都會奉上餐前面包！

仲有奉上檻欖油及黑醋，面包沾著吃，微酸好開胃！

酥炸水牛雞翼（HK$65 / 4pcs）

酥炸水牛雞翼雖然一碟只有4件，但雞翼幾大件，岩岩好一人一件！

炸至黃金色，好吸引呀！

上面灑左少量的香草作裝修及調味，炸得剛剛好，表面脆卜卜，又唔會太過油，即叫即炸的咬開有出煙，小心燙口！

味道好多好正，咸度適中！

配上這款酸辣醬，味道就更加提升，有點泰式風味，超好食！

香辣蝦凱撒沙津（HK$79）

凱撒沙津上碟比較精緻，蝦及沙津分開放，還有一件蒜蓉多士！

蝦比想像中少，只有4粒，不過以香草煎至金黃色，蝦好爽身彈牙，如果多D就好啦！

凱撒沙津份量就多一些，一面鋪著很多的芝士片，沙津菜一樣爽口新鮮，醬汁混得微酸，好開胃！

焗法國田螺釀碟菇（HK$88）

上碟的擺碟一樣好精緻∼

上面堆滿一些脆脆的伴碟∼

中間就是主角菇及法國田螺，它們混合在一些，上碟是菇及法國田螺的汁一直冒出，好吸引∼

而底層是薯蓉，菇及法國田螺汁注滿於薯蓉，伴著吃好香菇味香濃！

墨魚汁西班牙海鮮飯（HK$148）

一個小鍋的上碟，好有趣！

上面放著滿滿的各類海鮮，相當吸引！

分別有海蝦、魷魚圈、蜆、青口及帶子，好豐富，海鮮也算是新鮮大粒！

話到明墨魚汁，飯粒都是全黑色的，米飯軟硬適中，不過個人黎講就覺得味道比較偏咸，如果可以減少咸度會比較好！

香辣胡椒蟹肉意粉配軟殼蟹（HK$118）

我就幾喜歡這個意粉，香辣胡椒蟹肉是中／港式，而意粉的西式的，兩者夾埋一齊原來又幾夾！

香辣胡椒蟹肉是一個全炸的蟹肉，放在意粉上不太脆了，不過也不錯，咸度適中！

而意粉就有少量黑椒作調味，微辣的∼意粉煮得適中爽口有口感！

焗非洲雞胸（HK$138）

份量比其他明顯多∼

雞肉很嫩滑，底下就有像椰汁的醬汁，好香好惹味香口，沾上雞肉食好正，如果有白飯仲可以醬混埋食！

熱朱古力（HK$30）

因為剛病好，不能飲凍飲，就選了暖笠笠的朱古力，上層明顯有泡泡，好滑，味道跟其他餐廳飲到的無異！

藍莓芝士蛋糕（HK$30）

女人幾飽都好，都會有個甜品胃去食甜品！

我就點了一件藍莓芝士蛋糕，好精緻，味道還可以，沒太大驚喜！

後記：

其實呢間係全港都有幾間分店，我都係第一次黎光顧！

平日晚上去到都座無虛席，食物整體都滿意，不過某些菜式就沒太大驚喜，希望下次再去會有改善啦！

Olive Cafe
地址：大埔安邦路9號大埔超級城A區地下012A舖

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
歡迎合作試用．邀稿．出席活動．化妝工作
Wing Ho
E-mail : [email protected] / [email protected]
Facebook : www.facebook.com/fingyanwing.makeup

Instagram: FINGYANWING.MAKEUP

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊