當然先要醫飽個肚先啦∼

早前去過呢間食店的分店食晚餐，覺得好正，不過晚市有點貴，男友又未試過，於是就帶佢去尖沙咀分店食個午餐啦！

CHEF STAGE de Eddy Chu在海港城附近，地點唔算難搵，位於大廈的十九樓！

眼見座位不算太多，不過位置之間都留有一定位置，唔算太迫！

因為餐廳位於大廈19樓，職員安排我們坐在窗口位置，可以遠眺維港景色！

先看午餐價目，價位由HK$138至168不等，有沙津、湯、主菜、甜品及飲品，另加HK$48有海鮮拼盤及餐酒，價錢唔算貴！

先來一客餐前麵包，麵包微暖香軟，塗上牛油食用，因為太肚餓好很就食哂！

凱撒沙律配烤雞

沙律我就叫左凱撒沙律配烤雞，凱撒沙律是我最喜愛的沙律！

除了有新爽鮮甜的沙律菜及蕃茄仔之外，還有多士粒及烤雞，還曬上煙肉味脆脆！

乳酪芒果蝦沙律

另一款就是乳酪芒果蝦沙律，明顯不同就是有兩隻鮮蝦，鮮蝦好彈牙，上面有些乳酪醬，酸酸甜甜的好開胃，再配埋芒果就更加開胃！

翠肉瓜鮮蝦湯

是日餐湯就整個左翠肉瓜鮮蝦湯，好特別的湯，好清甜好有翠肉瓜味，不過份量略為比較少，只有半碗的份量！

湯內有蝦肉粒粒，彈牙有咬口！

鮑魚海鮮大會（HK$148）

鮑魚海鮮大會上面有隻迷你飽魚，有魚、蝦及帶子∼

上面淋上好香好Creamy的醬汁，超好味，本身海鮮好鮮味，煮得剛剛好，魚的肉質好嫩滑！

而飽魚雖然是迷你版，好煙韌彈牙，淋度適中！

帶子都好鮮味，配上醬汁好入味，另外伴碟再有紫薯蓉，好甜好香，有飽肚感！

香燒澳洲羊T骨（HK$158）

羊T骨是男友點的，肉質易咬好香羊味，醬汁就像燒汁的味道，跟羊肉好夾！

伴碟也有紫薯蓉，好甜好香，不錯！

甜品：鮮忌廉蛋卷

有一個小小的鮮忌廉蛋卷作結，忌廉好滑，甜度適中，蛋卷有香香的蛋味，好鬆軟，份量不多不少，不致太飽！

後記：

雖然他們的午餐份量不算多，不過午餐也跟晚餐的用膳時間及先後次序都一樣∼

職員也會跟著時間及食用速度慢慢上碟，慢慢食下傾下計唔覺唔覺就食左兩小時∼

不知不覺也開始覺得有飽肚感，如果想搵個假日對自己好D，跟朋友來個慢食嘆下，呢個地方是不錯的選擇，食物也十分有水準。

CHEF STAGE de Eddy Chu

地址：尖沙咀亞士厘道17-19號19樓

Facebook: https://www.facebook.com/Chef-Stage-%E5%BB%9A%E7%A4%BE-421083961276698/?fref=ts

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

歡迎合作試用．邀稿．出席活動．化妝工作

Wing Ho

E-mail : [email protected] / [email protected]
Facebook : www.facebook.com/fingyanwing.makeup

Instagram: FINGYANWING.MAKEUP

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊