今朝起身發覺喉嚨好唔掂勁多痰唔知想點

真係多得扁咀鴨盒朱古力唔少=.=""

之後見今日咁凍咪搵返d長袖衫黎著囉

點知老母又收埋我d衫係個咁鬼隠蔽既地方喎搞到我用左咁多時間先搵到

之後就拿拿林洗面擦牙la因為已經又遲左出門口喇=.=""

so藥都趕唔切食就走左出門口喇上到巴士坐係我前面條友開到隻窗有咁大得咁大

搞到我d鼻水又想黎料=.=凸

返到學校都冇乜野la同個死人假頭吹頭個陣吹到我手都痺埋.....凸你

之後就走左去後面睇下人地洗頭順便偷下懶咁la^^

事關我吹個假頭都吹左差唔多有2粒鍾喇都咪話唔"支力"

返到屋企老母已經煮好哂飯喇

but又係得我一個人食佢話好飽喎陣間佢又要出去教野........真冇癮=.=""

算......我又同傻狗食不過今次唔洗同傻狗爭食喇

因為今晚餐餸係冇肉既全部都係素菜......洗唔洗咁健康ar=.=""

食完飯冇耐老豆就返左黎喇~我食飯你先返黎食.....冇野好講

之後就食藥......打機.....睇電視...........好無聊

唉......顧慮太多結果還是不知該怎麼做

畢竟人不是只要說出真心話就可以互相理解

今日返到學校勁眼訓ar事關今朝7點幾就要起身but尋晚又訓得唔好喎

所以都真係唔多想電髮不過.....最後都係死死氣咁電起左個死人假頭

放左學之後就同阿堂佢地8丁友去左沙田租單車踏

本身就係諗住踏去大埔既but踏到半路佢地又突然話返轉頭轉去馬鞍山=.=""

踏完馬鞍山就踏返去沙田交車之後就一齊去左新城市食野

食完之後就去左機鋪睇佢地打機

阿豪d拳真係好鬼勁有成8547咁多 差d就可能破到紀錄架喇

佢地打完機之後就周圍咁行下la睇下野咁行到唔知幾多點就走喇

返到屋企就即刻沖涼食飯la食食下突然勁頭痛又係咁喪流鼻水......

之後都知咩事la一係我自己中左招一係就比阿邊個傳染左=.=""

本皇子就覺得第2個可能性大d喇=.=""

求其搵左d藥食下之後就"支力"到即刻去左訓教

個陣係9點幾真係有史以來最早訓既一日

今日返到去第一堂就係英文堂......悶到pk勁無聊囉又係係度做d死人工作紙

唉.....堂堂係咁做工作紙我寧願比高佬葉教好過=.=""

之後個阿sir又係度唱歌........真係動聽架姐

好辛苦先捱過左2粒鍾既英文堂之後就去左小食部篤魚蛋^^(hehe...有人請唔洗$$)

食完就上返去上電腦堂......ok la唔算悶既不過做d野就簡單左d囉

勁happy ar~翁翁冇坐係我隔黎.....甩難ar真係

唔係煩都比佢煩死ar咁大個人竟然連將d字放大縮細都唔識

乜Q野都唔用個腦諗下先就係咁問人

鑊鑊上到黎都成身煙味我最唔鐘意d人成身煙味特別係女仔

搞到自己成隻雞咁既款坐係佢隔黎既我絕對係受緊苦>.<

上親電腦堂最好既一樣野就係可以早放學今日都唔例外

返到屋企....已經見到老媽buy好哂d野今晚打邊爐

不過就淨係我一個人打佢要出街同佢d fd食飯........即時覺得好冇癮=.=""

算......我同傻狗食(死仔包食哂我d腸>.<)

食完就上網睇鬼神童子而家先睇到第4本咋進展太慢喇實在

本來今日jerry借左盒鬼眼狂刀比我睇架but我留抵左係人地度搞到要聽日先睇得>.<

冇幾耐老媽返到黎同我講佢部手提比人偷左(3千幾蚊既手提半年都未用夠就比人偷左)

老媽同我一樣都係咁黑不過我就係由上個禮拜黑到家下

你阿媽個仔屎忽鬼........由上個禮拜開始真係要幾黑有幾黑囉=.=凸

今日訓到11點幾之後起身擦牙洗面之後我就望下自己隻手la

嘩.........勁樣哀囉事關我尋日煮公仔麵唔覺意燒"lung"埋自己d手毛

所以我隻手d手毛係離奇地有一"忽"短得可憐仲要係"攣"左少少架添

唉.....仲知就黑仔la呢幾日要幾黑有幾黑=.=凸

之後我睇左陣電視(睇加旋ar今集講加旋終於出左第六魔法喇>.<)

無幾耐阿媽就叫我去茶樓飲茶la(叫左4籠蝦餃食都想死咁滯)

飲到3點幾就返左屋企帶齊哂d狗就渣車去左西貢bbq.....正ar我又係度喪燒魚蛋食喇

燒到9點幾就走~哈哈......今日我又多左隻狗係我屋企喇

事關佢個主人要去旅行所以隻狗就係我屋企暫住隻狗叫阿蘇

係一隻非常斯文既狗公斯文到有d乸型所以成日比人以為佢係狗乸我隻狗都唔例外

不過佢又真係好鬼得意架喎返到屋企就即刻沖涼我沖完就輪到阿蘇沖

死喇!!我好似唔記得左理阿傻狗添=.=""

傻狗~你失寵喇!!點算.....