今日終於可以訓多陣喇？！點解我咁講？？識我既都知我星期六日要返工嫁啦，再加埋我星期六冇訓過，今日當然訓得好開心啦~~哈哈！！點解我星期六晚冇訓，因為我去左我個fd度BBQ，我地通常都會通頂的呀~~但係個晚實在係太凍喇，我地玩夠喇，洗埋埸就各散喇？！原先我都唔想返屋企的呀，但係我冇帶衫去轉，所以我就返左屋企換衫，之後就走人，去返工喇~~尋日仲要成個下午counter，又冇得休息，今日當然係十分之好訓啦，如果唔係電話響的話，我估我都仲未起身呀？！

醒左之後，食完野就出吉島幫我阿媽交水費，之後我就行左陣，買左d野，就咁出一出去就用左成五舊水喇，真係唔知可以講咩呀~~仲要唔係用左我自己身上的呀........其實有好多野想買，但係又睇唔中，就算睇中都冇錢買，咁你話可以點丫~~

今晚都係要做下功課先得喇，因為我星期六日返工個時，搵到d資料，係時候要做下喇~~