今日係年廿九，今朝真係唔多想返工的呀，但係冇計啦，唔返又唔知有咩做，而且唔返的話，又冇錢，所以都係死死地氣咁去左返工，我係唔會同d錢錢作對既~~不過最衰既就係落雨，我至憎就係咁嫁喇，又唔係話大雨.......

返到公司隔左一陣就要開工喇，不過今日都可以話係少人的呀？！相對平時既星期六日真係少左好多人呀~~可能係落雨掛，真係唔知點解會咁的呀~~

放工之後，正常計係要食團年飯既，但係我就約左阿妍去食飯，睇戲，同行花市？！見到個名都知係女仔啦，唔好諗錯隔鄰呀~~今日阿妍仲要請左食飯，真係好開心呀，因為我上次幾份test paper都好高分，所以請我食的呀，哈哈~~食完之後就去睇《賊壇新人王》，都幾好丫，係咁笑，都幾好的呀~~之後我地就開始行維園喇？！今年係我第一年正式行維園的呀，我記得我上年收工個時，自己行左一陣的呀，不過今年就真係齊齊迫喇~~不過中途發生左少少攪笑既野，行到差唔多行完既時候，有一pair人行我地隔鄰(其實周圍都係)，咁行行下，佢地就行散左，咁之後個女仔就想拖返住佢男朋友，點知就拖左落我度，但係我覺得佢係唔知的呀？！咁當佢搵返佢男朋友之後，咁佢男朋友就想"橋"返佢女朋友隻手，咁點知就"橋"左落我度，真係好鬼無奈呀？！如果係平時既我，佢一定俾罵死呀，但係尋晚既situation，真係太多人喇，算吧啦~~但係我都覺得佢兩個好勁的呀~~

最後我地都行到差唔多點半先走人，真係行到好累呀？！之後我就搭車落左旺角轉泥"猛"的，點知我上到車就發覺係上年除夕果個司機，而其中一條女就係上次果個女仔，都唔知可以講d咩lu~~最後我就三點返到屋企，咩都唔理就去左訓喇~

希望來緊呢一年，身體健康，學業進步，心想事成，事事順境，恭喜發財~~