今日終於有假期，但係其實都係自已放自已假姐，因為我都係要請假的呀~~不過唔緊要啦，因為我都真係好想可以休息下呀~~

由於今日唔使返工，好難得可以瞓到成十點半先起身，真係好滿足呀~~瞓醒就要換衫走人喇？！因為今日約左阿蛋，mama同阿yen去打機~~而目的地係阿 yen屋企─筲箕灣？！我咁大個女都係第一次去呢個地方咋，我地去左一間好出名既鋪頭食野，但係我唔記得叫咩名呀，只係知有好多人名星去過同埋上晒報紙的呀~~話出名d魚蛋粉，但係我都係覺得佢既奶油多正好多呀，真係好正的呀，依家睇起都好想食呀~~~唔知幾時先有機會再去食過呢？？

食飽飽就去阿yen屋企喇？！woo~~好開心真係好耐冇打過機喇~~雖然我地唔係話打d咩特別既games，但係今日真係玩得好鬼開心的呀~~而且今日我先發覺，個時放學茖旺角搭巴士既時候係會經過阿yen屋企的呀~~

玩完一日聽日又要開始我既返工日子喇？！我真係希望浸會個邊請我啦，咁既話我就可以星期六日放假喇？！同埋可以離開lib，因為我越來越發覺lib冇野值得我再去留戀，真係希望可以快d離開呀~~依家如果我唔係睇錢份上，我真係唔會留得呀？！返到去見到既只係做唔完既野，同埋無能既老細，真係唔知再可以用咩去形容呢個地方law~~~

講住咁多先啦，休息多陣都係時候去瞓嫁喇？！