今朝早因為呀爸架車要入油又要泵氣遲左,所以就冇去到食早餐喇~
返到去諗住作文,點知就要當值,慘><"
之後上課室就文功課lu,欠作文呀><
跟住就上堂啦,第一堂中文,都係做下改正咁lor,冇咩特別~
第二堂英文miss冇返,好野^^"咁就o係到做a.maths~
小息就拿拿臨落去換衫上pe...汗毛冇帶衫諗住幫佢借,但係搵唔到人~
打羽毛球好好玩呀,下堂都係打羽毛球,正!!!
上完pe我就極速換返衫,因為bio要做lab~
上bio堂一開始就派卷,我唔洗補考呀,哈哈>v<"
跟住就落去做lab lu~冇咩特別呀,o係度玩透析管,無聊><"
之後就去食lunch lu,又係買燒味飯返學校食,因為一陣要當值~
最後果兩堂數學,要quiz,唔係咁識做~死得><
放學就落左樓下食野,跟住陪貝貝去四葉草,得個陪字,
之後有人問我細佬呢排點,點知一講曹操曹操就到,不過都冇咩野同佢講~
跟住我返到學校就上四樓開會lu~
開左勁耐呀,有d唔係幾据,不過廢事講喇~開到差唔多六點半,痴線嫁><"
開完會就去左自修室,去到淨係做左半條a.maths~-v-"
跟住就吹水吹到九點鐘,同子豪,慧慧,soka,呀糖~真係唔知點解可以吹到咁耐...
之後就同慧慧+soka一齊走lu~
返到屋企食飯,食完就打日記lu~唔想做功課呀><" |
