今日返學有杰&廉同我一齊,邊笑邊行...真係開心

早會個時外籍老師講緊野啦...我見到校長係渡扮緊動作...第一個好顯眼既就係佢跟住某位1A既學生插褲袋

同埋做到好浮誇..之後又跟住Miss所講既野做動作..有少少似「戇豆先生」,不過我認為用呢一種既教學模式應該唔錯

平時早讀堂好似好長時間咁,但係今日睇住本書....睇得好入神...覺得時間好快過...          (事實上真係短)

第一,二堂好似係中文吧...其實認真咁聽辜老師講解真係可以學到好多野,我都吸收左唔少...

點解容易既題目係唔會到我出去講既??  今日個「唔讓座」題目我真係諗到好多野講...

呢一日既數學堂係話得最好架!!老師比大量時間我地計數...而且1~11題自己都識做曬^^

第11題多謝敬文叫我自己努力去思考..如果唔係自己都唔會化...嘿嘿..第11題我識,基基唔識   (佢用英文書睇唔明.../..用返中文書好d..)

上地理堂後排有好多人玩「周公online」... 我無借請帳號...無得玩 智傑話買左點就會升得好d....

但係好可惜..豪哥買左點都係比人Cut左線...嘿嘿!

上次英文堂Miss Chan叫我地去412拎簿,我見到Miss陶個班好似上得幾好咁...真係羨慕

今日Miss Chan 都做左D教學互動..上堂都無咁悶...豪哥唔識做!!? 一定又係玩緊「周公ONLINE」... 突然比人cut線

叫佢出去做緊係唔識啦...書都未睇....我幫佢做左...不過睇住Miss既草書...抄錯左粒字...本身又記錯左粒字Memory.串左做rememory

丫!係...今日派左社衫...其實唔係太好睇....隻鳳凰既眼...下面個啲黑,金,橙紋交錯...真係靚...唔係講笑

放左學同一齊打天台打波,嘻嘻...加加埋埋差唔多一班人...20~30個,一齊去...去到個渡打個一場真真正正既比賽

好滿足丫!! 雖然都係不敵輝靈個組..但係真係玩得好開心...出力咁跑丫...跳丫...「格」波「格」得好成功

之後6點幾定7點幾個時大家一齊坐係渡,又係玩「誠實與大膽」, 我見到比個樽指中個位要嗅人地個「加拿大」...

然後到左龍龍...龍龍都知道玩大膽一定會出事...所以chose誠實 ... 杰就問...你鍾情於邊個

等左一會兒..又攪到一陣...鍾澄蔚囉...其實大家都知道既...

後黎龍龍同澄蔚講唔好介意...蔚就話唔介意既...

之後一班人入升降機落左去...我同班長仔(志豪)and靈一齊...靈唔知係唔係講笑咁話:「你做咩左住我同豪哥談情講心事姐?」

我又反問靈靈:「點解次次你同人傾密計都唔包埋我份既?」(呢個時候諗緊...其實你當唔當我係真既Friend架呢?)

..佢啞口無言...跟住係呢個短缺既時間教下我地「插花」..其實都唔係咁易,要練多啲..

落到去二樓「M記」..大伙兒都在買雪糕...我都唔汁輸買左個朱古力新地...真係幾好食..

輝靈又一一咁向我地既雪糕試試味...跟住買左個新地筒...

聽佢地講Duncan好似買左兩次...(食得多肥丫..不過你好似食多d都應該唔緊要..嘿..)