唔知點解,好多時星期四都係自己一個人行番屋企,

或者係其他同學朋友們都有佢地既活動吧!

我join個啲就無咩野攪咁,

一路上,鍾意諗無聊野既我...腦海入面就出現一大堆既無謂野喇,

如果,將個鋁氣球放上去輕鐵路軌,咁又會好似chem sir咁講會短路嗎~?
我想試下,但係整爛人地啲野就唔好啦,
其實最怕佢短路之後燒左,條電線跌左落黎電親自己...之後咁就一世?

戴左眼鏡既世界同無戴眼鏡既世界...
戴左眼鏡既世界比起原本已經夠局限再被困擾
鏡框之外既野變得唔太清楚,
以前一直想戴眼鏡,點知依家就比較鍾意唔戴,
唔戴既話輕多啲,睇野唔洗比個架框住曬,
唔洗成日抹個鏡片!
講講下又真係覺得佢有少少討厭? 除左落黎.

世界入面既香港...香港入面既天水圍
天水圍呢渡既景色都算係ok,比起市區點都好好多...環境方面
係一個ok既悠閒地方


死亡呢一樣野,細個個時雖然都聽人講,
人到左最後,都係要死,電視上間中會見到傷亡意外
但係總係覺得死亡係唔關我事,我係唔會死,
係唔係長大左之後就會漸漸咁改變左睇法?

呢個世界萬物都為原子所組成,
死左之後身體都只係會被分解,
回憶就會隨著死亡而瞬間清逝.
或者死個時啲腦細胞未死得曬,
仲可以保存一段短時間咁樣啦,
但係最後都係面對同一個結果.

之前Ron你講過下做到五十左右就退休...
我又諗諗下,人生係唔係會過得咁快~?
忙碌完一世人之後...最後都係無得留低.

" 物極必反 "
係唔係話文明既進步最終都會因為佢自己而步向滅亡?

我諗...
呢個世界係
" 有始有終 " 的...
好似同上面差唔多...覺得
總之到左最後都會玩完


不過...我都希望自己會留意到剩下的那半桶水吧!