呢一個假期都幾悶下...聽日係星期一,有得返學就好了,困在家裡實是悶的.

呢排又有興趣炒下菜..

見到媽咪成日炒菜都係落好多油...平時唔覺..睇住先知.. 跟住見到啲油周圍彈.. 好得人驚..

所以我次次煮野炒菜都唔會落太多油... 聽到啲聲都有啲驚驚地..

今日上網睇下「法式牛肉料理」 (係yahoo!個渡睇到架啦.)

睇落啲料理又幾好食...有啲流口水既感覺.

    但係睇下下面個啲字... o左.. 咁貴既? 哈哈..食唔起.
扒澳洲和牛肉眼配賓尼士汁伴忌廉焗薯 $ 998
(圖片及資料來源:http://hk.style.yahoo.com/living/taste/article.html?id=art_49d5bc04)

我諗...如果我去街市買料(當然唔係佢個啲咁「高級」),應該幾十蚊就買到...自己慢慢攪..

我諗自己煮既應該都唔錯丫(自己煮既野通常都會覺得好食啲)...嘿嘿...

今日又開始睇下「紅樓夢」,有啲字睇唔明...就好似 「偺」，「蠲」，「盥」咁...

「偺」字我跟上文下理推出係 「我」咁上下既意思 ，「盥」我上網查--->「to wash one's hands」

「盥」字我覺得有啲似象形文字---> 一個盆,一啲水咁...

睇下睇下更係覺得自己識得少...