今日有五堂都係好無聊咁過左...真係浪費

小息都好悶啊,點解B班有得去個孫中山紀念館玩架!?

我都好想跟住去丫,起碼有人陪住發呆,嘻嘻.

澄蔚今日食左好多件油膩既小食(唔知叫咩名)...小心變肥豬...

到時個金魚嘴一定好夠份量~

阿基都食左件...  睇你地食得咁開心就知道一定好味,

我都想食架,不過個手唔多clean,

基,你唔洗咁傷心架,世上比你更浪費食物既人今日又多個,

某某先生個A餐食左2/5就掉左...

放左學同Duncan一齊去上校長個英語班,

去到平時個課室見到Miss關上緊堂...

關老師問我咩事,,我就講返話上英語班咁,

平時用開呢個室(圖書館格離個間),Miss關話佢訂左個房先,

後來校長又講佢明明訂左呢個點解會有人呢.

途中見到四朵花兒... 蔚同我say左兩次hi,多謝喔!

你話要去考試...咁考左啲咩呢..?

上緊堂個時,前面有兩位中一既女學生,

係咁發出吵音影響我地上堂,

校長幾次問我地要唔要「烹」佢地走

我同Duncan一早想佢地走了,

到左五點左右,Duncan話要趕住去打波(另有目的)

我聽到5:30落堂先走,

「相逢豈如陌路人`」   噫 ! 無-奈-也

跟住去到天台一齊打波,

我坐埋去同玲,龍一齊睇波, 佢地打得十分有趣,

之後我地又一齊出去打lu,

唔知幾多人無玩,跟住有少少生,

佢地進步左唔少,

今日最攪笑既係...我帶波個時,余仔走過黎打算搶,

我個手鬆左, 但係我帶高左個波,佢個手碰都碰唔到囉, 好好笑...成班人笑佢生得矮,個手唔夠長,

後來走個時我地分左兩批人走, 我跟住佢地走樓梯...

個樓係實可以話係...要你不斷咁轉彎,我地走到頭都暈...