每個人係唔開心既時候，都會搵個避難所，一個屬於我既地方---Online game

係入面可以識好多朋友，只要你識得打字，就會有朋友，

而且我發覺......我同Ｇａｍｅ入面既朋友所經歷既野，比真實既朋友多。

雖然入面係一個虛擬世界，但係我地既感情卻係真既，

入到去，本人既性格或者心理都有改變左，變得多講野左，變得癲左少少（童真），

或者呢個先至係一個內心真正既性格；係現實生活入面，會受到好多種唔同既因素影響，

係遊戲入面，好多因素會因為遊戲既框框而消失。

就好似你唔洗真係面對住人地，人地又唔會對你點樣（最多一刀殺左你既角色）。

唔洗面對住人地，就唔會怕羞，講野自然唔會咁緊張（打字姐）。

就好似我一位同學咁，平時佢唔係好識得表達自己（同我差唔多，但唔係我），

但係入到Ｇａｍｅ之後佢就好似另一個人咁，講野講多左，而且更識表達自己（示愛呢方面...哈哈）。

雖然係咁，Online Game始終都係一個虛擬既世界，你無可能一世都留係入面，要知道幾時抽身...

但係要走個時，真係唔捨得呢一班既朋友......我唔會忘記你地，

但人……始終都要向前走！