---準備出發---
今日番到學校，見到原來唔只係中四級既同學有得去…中七好似都有份，
咁多人加加埋埋就位滿左成車旅遊巴喇。
8點左右去到學校…其實都係要等等等，係番黎個時已經見到架旅遊巴停泊左係渡。
---旅遊巴上---（Me,梓,耀,妮,淳,康,蔡,銘,雯,龍,樹,春,傑,包 識既係咁多)
上到車，我行行下比野卡到,差啲跌，好在有咁多個坐位，比我扶。
我地成班識既都坐左係車尾部份，後面既龍龍,方樹佢地，
一路上係咁講野(大部份講緊梓俊既野)，係咁笑。都幾大聲下，攪到好多人想訓都無得訓，
攪到細包都有點想打人的沖動－ －"
而我…就拎住部手機聽緊好「內」都未update既歌。
---公園門口---
去到門口，都有唔少人係渡，
我地又影左一車人既相，之後又係等等等…等左十幾分鐘掛。
跟住Miss就開始派入場卷(本身話要拎學生證,但係而家已經無用武之地)，
入到去，老師交低左話12點半~1點要打個電話比佢報平安，３點要到原位點名，
之後我地成ｔｅａｍ人一齊行動！
---海洋列車--- (我地一組人包括: Me,梓,耀,妮,淳,康,蔡,銘,雯 只係記得有咁多)
係門口見到有個板仔話今日停用…點知又用得(好似老點左方樹佢地咁)，
我地係渡等等等…入到去車站又係等等等(呢個時候梓俊玩左幾次偷拍,for the girls)
入到車車，其實無咩特別，只係頭上有幾個螢幕，再加下啲音樂…我只有傻笑。
---上到山頂---
上到黎我地影左幾張相，跟住就開始行程！
  （兩位笑得幾開心） 
---海洋館---
我地一組人行行行…經過好似係文物徑咁既車站大道，再行行行。
去到海洋館，入到去好似有陣味同埋有啲凍。
係入面最得意既就係呢種魚仔，我好似無睇到佢係咩名－ －”
---斜斜的長路上---
得梓俊兄同"小丑公主"一齊影左相…
呢條路又長又斜，我地加加埋埋上上落落係行左三轉，好吃力！
---越礦飛車---（去海洋公園必玩）
名符其實，真係有點飛飛地既感覺，第一次坐既我，
真係有啲驚，不過大個仔喇，點都要試一下，
呢渡只係上上落落三次，第一次個下，沖左落去，其實一個字形容---「爽」，
講得唔夠清楚…其實仲好驚＝ ＝
因為望住個海好似要跌落去咁，
途中有個720度既迴旋位，不過係左右迴旋，
係個渡沖緊既時候，總係覺得會頭撞柱，雖然係無可能既事，但係同我銘係個位都低左頭。
第二次同第三次既上落位，我合埋左眼…之後後悔了，合埋眼真係唔夠刺激。
第二次玩，比起第一次，感覺好好多，無咁驚，但係有女仔大叫，叫到我心寒…
第三、第四、第五次係好輕鬆咁玩完…
銘呢張我影架，係唔係好有風格呢…嘿嘿
---瘋狂過山車---
其實，真係幾瘋狂，你個頭係咁撞黎撞去，撞到我地個個耳仔紅曬，
呢個好有安全感…所以唔覺得驚。
---坐纜車---
係車上面，感覺最不安既柏銘，講緊架車跌左落去點算…
佢話跌緊個時要跌起身，咁樣都無咁易死…
呢一日係坐左三次纜車…
走個時都係坐纜車，呢次我地同淳＆敏妮一齊，
唔記得左邊個話：「啲纜車係停係邊渡架？」
梓俊話：「３６０個啲纜車係跌落去架ｍａ！」
之後笑曬……再者靜曬……
大家係咁搵話題，銘講左五次話隻腳好痛隻腳好…痛隻腳好…痛隻腳好…痛隻腳好…痛隻腳好痛…
講得太多比人串了－ －'"
---滑浪飛船---
我地玩左一次，我同銘，梓，耀一齊。
銘坐最頭，我最後。玩完之後…銘隻鞋入曬水，件衫都溼左，我只係條褲溼左少少。
龍龍、方樹、智傑、良，玩到成身全溼，由頭到腳，由外到內，溼曬…
方樹同龍龍入去換衫個時，書包入面既衫都溼左，真陰公…… 
---熊貓---
---小熊貓---
小貓貓真係好得意，係電視上只係見到佢既頭見唔到佢既尾，
佢條尾仔又張又多毛毛，好得意－ －
但係係公園入面太多人影佢，到我影個時佢又走左，廢事了……影張公仔補數” 超貴的公仔...
---番天水圍---
我地坐左兩轉巴士...城巴629...去左金鍾食左餐其實唔多抵既飯&麵。
麵+飯=58蚊，我地一人一麵一飯我地食門口拎左張８５折既宣傳單張，姐係每人差唔多２５蚊左右。
份量唔夠真係少…番天水圍食抵好多。
 
之後我地搵巴士坐…康嘉玲帶我地遊左一轉花園，之後番番原地。
跟住佢又問左路，好成功咁帶左我地去車站，唔該曬！
等車個時都等得幾辛苦，個個都好赲。
_________________________________________________End_______________________________________ |
