嘻嘻
等左咁多日終於到左我既生日啦~
今日早上起身,又係開始睇紅樓夢...睇完二十二回...我既進度都好慢下..
睇到悶就開PPS睇「狂野時速III」
呢個係講一位未滿十八歲既青年(我睇佢個樣似係二十幾多啲)
成日都係玩賽車,但係次次都攪出個大頭佛出黎
但係由於佢未滿十八,所以無事,
佢每事出事佢屋企人都同佢搬屋,,
呢一次係搬到去日本,
跟住佢又同人比賽...
人地係一位頂級既漂移高手(不良集團)
佢就好「細路仔唔識世界」咁..話要同呢位車手比賽
之後好理所當然咁輸鬼左,
仲整爛曬人地借比佢既車...(架車係個位車手既手下)
之後個車主就帶個位主角去佢地既地頭幫佢地做野
其實呢位車主唔多鍾意個位車手(姐係佢大佬)
跟住要個主角打勝個車手...
睇到呢渡咁上下老豆就叫我關機,
去睇書做功課...(幾日來都係做啲今既野,真係悶悶悶,又無去到打波)
今日靈 定係 Polo打黎叫我去打波,
跟住我準備出去,老豆卻叫我去買飯返黎食
點知出到門口,準備入升降機個時,見到阿媽返到黎 - -"
佢話,唔好買飯啦,我煮啦,,
一攪又唔知攪左幾張時間,
Polo打黎話佢地打完了- -"
之後老豆又返房Sleep
咁我再睇下PPS
出到黎又話,「你做咩成日都對住部電腦,關機, 睇書做功課!」
我好唔鋸咁關左個幕,返房,
佢關埋我個房門,
自己係出面聽緊佢既陳年舊碟...
我係房入面好嬲咁坐係渡,
心諗:「點解我日日都要坐係渡,就好似日日都比人困住咁,就快死了,你想我睇我就一定睇架啦咩!?」
之悶得濟,拎起啲功課做做做,
做做下又做得幾爽- -"
跟住阿媽同阿妹拉埋老豆入黎,話同我買手機,
我個時仲係嬲緊,唔想去,加上做緊通識做得好開心,,呵呵
,但係之後覺得,有得汁就唔好放過..嘿
同老豆.妹一齊去頌富睇下啲手機,
忽然見到一個好熟口面既人樣-----至豪
佢身邊個位應該係佢家姐
佢家姐應該見到我係望住佢,
佢家姐一路同佢講野,
佢就一直望住前面(正視前方喔!)一路走.再點下頭....
我睇到佢個樣就笑左一陣,.,.哈哈,
真係好好笑架- - 佢神情係極之呆滯,
我覺得佢仲係渡打緊機咁,.
後來去左銀座買左一部G705 $1998
  (呢兩張圖網上搵,廢事影完右入咁煩-__-")
我見到有部似係輝靈佢地既手機
呢渡賣好似係千六 定係 千八左右
個時我老豆個FD經過,話呢隻機好易死機...所以跌得好快...唔好買...
返到屋住慢慢睇說明書....
依加我都幾開心丫...嘻嘻 See You |
