本身今日既心情係開心既...點知...寫寫下bolg輕左機..好無奈咁又要重新打過
今日就好似平時咁...返學..每一日都會見到既就係...阿史&阿琪一齊返學..好顯眼的「青BB」書包都會出現
在眼前,就好似兩姊姊妹咁樣一齊返學...有時見到我就會同我打招呼,不過一呼過後就向行各路..
偶然經過毅志個邊返學既時候,又會見到憶&曼一齊返學,不過..我就無野同佢地講
走到學校個邊既十字路口就會見到「澄蔚旅行團」,帶住鴨仔團友一齊遊覽名勝.
如果基基可以同我一齊返學就好了
就係lunch之後個小息,我得閒無事咁走左落地下(其實另有目的..嘿嘿!)
走左一轉之後見到紅&梅係渡同校長傾計...咁我無奈走過去,校長就叫我坐低一齊聽
「大家知唔知家鼠/細老鼠既英文係咩丫? 」
予曰: 「Mouse!」
「咁點樣串丫!?」
我又話:「M-o-u-s-e」
校長:「你地知唔知Mouse呢個字點黎架呢?」
........ 無人應 ...........
校長又話啦:「咁你地知唔知老鼠成日做咩架呢?
佢成日用把口咬難d野架ma!」
我話:「喔...Mouth」
佢又話啦:「大家知唔知mouth點黎架呢?
m係上唇,o係個口..姐係o咀咁..u係下唇...
你地信唔信呢?」
梅好坦然咁話:「唔信...」
之後校長又講左好多 e.g. water,wave,run,rubbish, rabbit,race,eye,ear,nose 呢一d字
之後又叫我地去下星期一個個英語班 好似係403..定係304??
放左學去圖書館見唔到基基..就同龜龜一齊返左屋企..我地一齊打機(唔好諗去第2渡..係玩巨商)
玩左陣就去球場打渡...我問佢地見唔見基叔..佢地話佢頭先黎左..不過走左lo(點解走得咁快既??)
後來我同龍龍..傑仔玩傳渡..玩得傻傻地咁...哈哈..係渡團團轉咁邊轉邊傳....有點像傻瓜..
之後我同樹,神打靈同埋另兩個唔識既勁人..我地差唔多無得玩咁..好在都有得射下波
我啲兩分波準左XD好開心 開始明白到點樣可以射準d ...
其中有一個比我們胖點點..高點點的男生有點體味...嗅到有點不適,
不過我都玩得好開心...嘻嘻..可以認真咁打返場真係好!
|
