今日點半先起身，仲以為係７點，所以就慢條斯理咁行下行下

之後先知道原來係７點８啦，如果７點８先起身，都趕得切番學既

不過今日要送細佬番學呢，最衰既係佢唔肯起身，呀∼救命

今日一定遲到呀，．果然，番到已經８點２０分了

上到課室，成班人係到聽歌，跟住比ｍｉｓｓ朱鬧

好采今日遲到，如果唔係我都會有份的．．．．．

頭兩堂中文，都唔洗上既．小息係到∼唔知做乜

跟住係"煲東瓜",都係唔洗上既，西史有聽書嫁．

小息落左去食野，因為實在太肚餓啦

跟住係音樂，考個人項目，重希哥∼你係得既，仲有低塔同女人都唱得好好聽

今堂輪唔到我地，好野呀，卡卡卡∼∼∼

數學堂發生左ｄ小插曲，唔想記番起陳ｓｉｒ講既野！

lunch落左去食野,點知食食下,仲左頭獎(雀屎)搞到我連隻雞翼都冇埋

不過好采唔係中左我杯面姐~kokoko！

最尾兩堂係ENG，冇咩發生，今堂冇唔据佢，都好ｄ

放學係學校打波，好耐冇打啦，打左一個鐘就好累了，體能差左好多

跟住同徐建強番龜，我番到屋企差唔多６點半

今日冇飯食，ｓｏ不用洗好多碗！不過都要做番果ｄ野

９點先有得玩電腦呀，打左日記就要訓啦∼陽婆（陰公）

今日又要送細佬,搞到我好遲先出門口！

番到去差d唔記得左要當值,...仲有今日記左個欠交功課！

頭兩堂係電腦,對呢科冇興趣,覺得d野好難！

不過今堂講到一個f.1既乸形,,好好笑,梁＋杰扮佢仲好笑！

小息係到無所是事，跟住係中史數學∼悶，不過都有聽書！

小息又係無所是事，跟住係兩堂英文，又好唔据個死矮婆啦！

成日係到發出ｄ聲高１００００分貝既超高音黎影響人！

lunch落左去買面食,好飽....今日呢個lunch過得好慢！

後黎練左陣歌,明天考了!!不過應該唔會考到我地！

最尾兩堂係地理中文∼悶，不過都有聽書

放學未走得，要聽埋專題報告先走得∼悶！

番到屋企已經５點９了！食飯再做野做野做野沖涼！

今日就係咁多啦，８８

正式上課日子仲有１３日，點算．．心情好複雜