今日７點同傻婆去跑步（其實佢係去行路多過去跑步）

跑跑下同佢去左行百佳，跟住去食早餐

番屋企諗住買包番去比細佬佢地食，但係佢地食左野啦

番到屋企沖左個凍水涼，跟住去左訓睡覺，訓到４點幾呀

跟住起身食飯，食完睇左陣書就做野了

做完野再沖埋涼就去左行夜街（其實係去買野）

番到屋企玩電腦，打日記打左好耐先打到一篇

我地又轉歌了，轉左好心好報，唔知係咪真係冇音樂堂呢？

今日好想出去溫書呀，因為係屋企真係溫唔到嫁，一ｄ氣氛都冇

見到咁多人已經開始溫書，好驚添，有冇人陪我溫書呀？

我發覺原來我地３ｂ班一ｄ都唔團結．

見到梁嘉杰咁樣，我真係好唔開心

因為由識佢到依家都未見過佢咁．

雖然我做唔到ｄ咩，但我會盡力幫你

今日約左細哨,低b昌,嘉茹同夜香去游水.

約左細哨同低b昌8點,嘉茹同夜香就8點半.

點知低b昌8點先起身,要8點半先到.

我就要細佬番學,本身都可以8點到既.

但係原來佢今日都唔洗番學,就又送番佢番屋企,再出番黎

得細哨一個係到行黎行去..不過我都好快到

去文具鋪買左個西瓜波去泳池玩...

今日都幾多人,又ok晒..所以夜香同嘉茹游完之後就晒到塊面紅晒,卡卡卡

游完水去徐建強家做通識PJ,買左野上去食,超飽!!

係徐建強屋企都做唔到功課既,係到玩天外

玩賭錢,輸左30幾萬,反正D錢又唔係我地既,卡卡卡

玩到2點半,出發去元朗..去到輕鐵站,見到我媽係對面,嚇死我

不過好采有人幫我遮住,唔知佢見唔見到我呢,,見到既話我就大獲

去到天耀等埋大文先去元朗,行左陣先去唱ｋ

有邊個呢？有：ME，大文，細哨，大杰，文樂，夜香,嘉茹,水餅,除海,美妙同難拎

第一次咁多人一齊去唱ｋ，低ｂ昌話考完試先黎

玩得∼唱得∼好開心，，希望有下次

玩左兩個零鐘我要走先，大杰，大文，細哨，文樂同我一齊走

我番到屋企７點３，好采冇咩，不過我都膽戰心驚．

今日真係好難得咁多人一齊出黎玩，仲玩得咁開心

不過我好同情一個人，ａ班既．．

我想講一句：將心比己，你地會知道人地既感受

我唔會忘記今日．．．可惜冇影相