琴晚睇完Ｘ－ｍｅｎ先訓,好似已經12點3啦,今日有好重要既事等我做
所以我6點8起左身,如果唔係個鬧鍾既問題,我6點半就起左嫁啦
起身後好趕,但好采趕得切,今日見你拎住野,唔洗你拖啦,哈哈
番到學校都冇野做既,第1,2堂係數學,跟住音樂中文,音樂考唱歌
到我唱果陣,我估唔到我會腳震嫁,唔只腳震,手都震埋呀,仲震得好勁添呀
真係失敗,算啦,我都覺得我唱得幾好,到左中文堂,成堂差唔多全班係到嘈
跟住英文地理,今堂係Msr 哈拿s(我唔識串佢個名)既最後一堂
但我唔記得左呢堂係佢最後一堂,唔記得要扮乖仔,sorry
地理堂要測驗,太簡單啦,坐我前後左右果d真係幸福,哈哈
食完lunch,唔知去邊,係課室玩,鬥跳得高,我地幾個人助楊痿一臂之力
幫佢爭1,2cm就掂到天花板(天花板差唔多3米),真係無聊啦-0-
跟住落去搵eliza,佢同人傾緊,咪係到捉棋,捉到打鐘後5分鐘
我地先落去上堂,2堂D/T,我仲整緊隻雀仔,好采整得完
不過有d失敗,跟住上去見到man娟,佢比左佢整既蝦多士我食
真係好好味唷,不過我諗你整果d仲好味既
放學去左打波,依家我只可以發揮我5成既水準,太唔掂啦
好想快快快快d好番番番番呀!!今日打到呢到啦
就這樣,再見,,,待續
|
