今日去左行山
本身係去青山行既,不過呀sir話危險左d,所以去左八仙嶺
搭車搭到我頭暈囉
我都驚我行唔到山啦,不過行左一陣,狀態好番好多
上山既路,真係好辛苦呀...好采冇女仔既咋,如果唔係...真係唔知點行落去(我唔當除海是女仔的!!)
行左勁耐先上到山頂,果陣已經冇咁暈,不過有少少攰...
企係第一座山可以見到其他七座,好似一條小型萬里長城
見到都驚...不過比起上山,呢d算啦濕碎嫁啦
行左3個鐘...終於打敗八仙,佢地已經向我俯首稱臣,哈哈
八仙也不過如此嘛,根本不是玉棒堂大佬的對手,kerokero~
之後果d路雖然好長,但係好易行
一邊行一邊唱歌,有中3既fans歡呼,真係好!!哈哈
行完全部路程大概4個鐘啦
行得最慢係我同徐建強,因為我地係到影相...佢地行咁快做咩呢?錯過左咁多靚景
.
.
番到屋企,6點鐘..拿拿淋換衫番工,換完衫我係到搵鎖匙
係到搵左好耐都搵唔到,心諗:死啦,唔係比八仙偷左下嗎?
但係諗諗下,如果真係跌左係八仙嶺,咁我頭先點樣開門入黎既呢?
最後我終於搵到啦,哈哈~係咪好白痴呢?唔係...
收工果陣,摷下個衫袋~冇錢既?點解?
成千蚊嫁,大佬,唔好完啦~唔通唔記得跌左係邊?
等我摷完3個袋都冇果陣,我d冷汗好似落雨咁落落黎
好采,係最後一個袋到比我摷到,如果唔係真係唔知點死....
彩超特警: 
 <--佢有冇咁型呀?
  <--好似失明人士
八仙:  
    
other: 
 
  
  
 
 f.3
 f.4
 中間果個好矮@﹏@
玉棒堂征服八仙嶺大作戰,成功~END!! |
