今日終於考完試
今日考既係文學,都挺簡單的(只會有溫過書的人先會覺得簡單)
不過我都唔會期望會好高分,有7字頭都得嫁啦
總括而言:
中史~差
中文~OK掛
英文~差勁(不過預左啦)
數學~我諗都有8字頭既,最低7字頭啦
商業~如果唔係果8分,我會挺滿意
文學~啱啱講左
考完試去邊?去打波,好耐冇打了,不過今日都有少少水準
打到12點,同3個唔識既人打
早洩城話佢地聊我地鬥波,我就問佢地打唔打
點知佢地推黎推去,推左10分鐘先肯出黎
我諗可能係因為有女仔係到,唔想比我地炒得咁樣衰掛
打左一陣,佢地果邊D女仔走左......
頂,佢地真係好廢囉~
不過童子軍咁都比佢地整到流血囉,我都唔知點解???
於是我同童子軍交換人mark,條友有射過波咩?答案係冇
點解呀?係我面前射波,係咪想食火鍋先?係既話~~比錢!!
佢地有5個人,我地有3個,打左一陣,我想講:不如你地出晒黎呀
不過有個即刻走左佬,第二個過左一陣出黎
等我黎同你地介紹:
no.1:貌似陳冠希,實是陳重希.綽號:奧尼爾版拿殊
帶波超搞笑,射波唔識笑.搶板有兩手,火鍋食唔少!(我請既)
no.2:白面輸生
只識傳波,唔識射波.只識揸波,唔識帶波!
no.3:冷衫9喱
所謂人不可貌相,真係睇唔出佢打波咁廢
廢唔緊要,最緊要有球品,但係佢冇......
no.4:一碌柱
企係到,等運到!不過又比佢入左兩球
全場我睇冇人唔受傷,除了我
no.4好采走得快,如果唔係,我睇佢都唔可以幸免
no.1~阻人前進,如果係阻第2個或者會冇事,但係偏偏阻住我,睇佢都要捽成個禮拜的藥酒
no.2~阻人上籃,如果係阻第2個或者會冇事,但係偏偏阻住我,睇佢下巴都冇排痛
no.3~阻人欄截,如果係阻第2個或者會冇事,但係偏偏阻住我,睇佢有排都唔可以行房,跑得跳得已經算勁
no.4~借尿遁,高招......
早洩城,童子軍,依家乜仇都報晒啦,下話?
同佢地打真係冇意思,不過又好有意思,因為真係好好笑
連我都忍唔住要係佢地面前笑出黎
睇黎咁既水貨,天水圍都係得一支嫁咋,好好珍惜
今埸,童子軍入左佢有史以來第一個3分,值得嘉許!!
考完試,爽呀~爽過爽浪無糖香口膠,膠過膠口香糖無浪爽
|
