琴晚發生左一件令我萬分痛心既事:

我同大文,書僮,man娟去bbq

搵到地方之後我去左買野

番到黎見到有好多警察,我唔知咩事

後黎佢地話我知有人死左

書僮同man見到我就同我講:大文死左！

我問佢點死嫁∼佢地話：跌死既！！

唔係呀嗎，點樣跌死呀？我真係唔明

跟住我就好傷心∼但係唔知點解跟住我同左３個人去游水

其中一個唔講得（用ｓ代表佢），其他兩個就係書僮同ｍａｎ娟啦

游游下ｓ浸親，我就去救佢，救完佢之後佢又游出去．

書僮同ｍａｎ都游左出去，跟住３個人都浸親

我又要去救人啦，救左ｓ．救完佢之後黎唔切救果兩個

咁樣∼佢地又死埋．．．．．．一日之間死左３個好朋友

我真係好傷心好傷心,傷心左好耐......終於慢慢醒覺!!

原來呢個係一個夢..但係醒左之後我都係傷心左好耐.

好采個夢唔係真既,如果唔係真係唔知點面對！

9/8

再一次受傷害,但最後都有轉變...是好的開始!!

10/8

今日最後一日番學補課,第一堂係英文,係到玩啤牌,佢都唔理既

小息去左買野食,第二堂係中文,miss派糖,咁好既?

跟住答中佢問題又有棉花糖喎,我有2粒.一粒偷係既

做完野佢又比我早走,我就去左b班完

最後一堂數學,點完名就去左e班捉棋,捉完就番上做幾條數

做完就行黎行去,做晒全部佢就比我地早放.

放學去左頌富食飯,食完番屋企.

諗住換衫番工,點知八號風球係唔洗番工既,正!

因為我今日好眼訓,所以唔係幾想番工.

夜晚同大文傾左半個鐘電話,好耐未試過啦.