今日9點起左身,10點佢起左身.

佢起身見到我就同我講:即刻執野走

我冇理到佢,佢再講多幾次,我都冇理到佢

跟住佢就話:唔執呀嗎,唔執就雀鞋走

咁我咪入房執囉,我執緊果陣,佢去左廁所

我諗住快d執完等佢未出黎果陣就走,點知比佢快過我

當我執完野,發覺都幾重,就算要逃走都唔走得快.

我雀好鞋啦,諗住搵邊個幫手呢?第一個就諗到除海,不過咁遠,我驚唔夠力搬d野過去

跟住諗到徐建強,呢個唔錯,於是我就係佢面前行出門口

當我就黎出去個陣佢問我去邊,我冇理到佢,佢話1點半去搭車呀

於是我坐番去睇電視,跟住佢又講番琴日d野....

佢問我琴日去左邊?我話去元朗......去元朗做咩呀?跟人去裝冷氣.

佢話你識裝咩?我話都唔洗我裝....咁你做左幾耐呀?10個鐘

幾錢呀?250蚊...佢話唔洗你裝都有咁多錢?我冇理佢.

琴日xxx(某間餐廳)打電話比你叫你去見工你做咩唔聽人電話呀?仲熄埋機咁巴閉?我都冇理佢

佢又話你番左黎之後又冇去見到呀?我話冇,今日去見

幾點呀?11點(果陣時都10點10啦)...跟住佢話:即刻去!,,,咁我就去左啦

去到xxx,係到折野...有野送就送...做到5點半,落場,7點半再番去.

期間去左北江搵大文,又去左頌富買左件3..最後7點32分番到xxx.直至做到11點

番到屋企,佢同我講:今日驚呢?我想講:唔驚........不過我冇應到佢

佢仲同我講左好多野,我都冇應到佢...除非佢係問我野,如果唔係我都唔會答佢.

我係屋企可以唔講野,出到街或番到學校就唔可以唔講野.呢個係我生活方式

我對呢個屋企完全冇歸屬感,同佢地住既話就算住豪窄我都唔會覺得開心

我依家唔會驚佢要我走,因為我唔想走佢都唔可以對我點,就算我走左出門口,佢都唔可以捉我上車

如果佢趕極我都唔走既話最多咪開片,不過你地認為佢有勝算咩?除非佢囉刀.

今日8點8起身,9點鐘出門口,去買左早餐再去搭車

去邊?去元朗囉...因為今日應承左人去佢果到幫手

本身要9點半去到,但係我遲左2個字,,,雖然佢地食緊飯

到左10點零,要出發啦...3個師傅坐車頭,我坐車中間

車中間既個位真係好到冇得頂呀,又焗又熱,搞到我好頭暈

不過好采最後我都頂得住,冇嘔到,哈哈哈

跟d師傅去裝電器,多數係冷氣機,我只要搬野同遞野

呢d工作真係非常簡單....去裝第一部果陣,我主要係企..係到睇

睇睇下,佢打左黎,叫我即刻番屋企,如果唔係就揼晒我d野落街

我話我做緊野喎,佢都係叫我即刻番去...不過我冇理到佢...冇番到

點可以做做下野同人講...唔好意思,xx唔比我做,我要番屋企啦

我真係做唔出,成承左幫人一日就唔做埋我都唔走.最後我只有熄機

跟住再周圍去啦,係睇佢地裝冷氣既期間,真係學到唔少野.

我諗依家比部冷氣我,半個鐘都裝得晒,雖然d師傅唔洗半個鐘,最快一個字.

2點鐘去左食飯,佢地請我食呀,哈哈^.^

不過搭車搭到我好唔舒服,唔係幾想食.只想飲水.

食完飯再周圍去,最後....到左8點幾,裝完最後一部,走得

佢地唔知係邊到放左我落車,我問佢地鋪頭係邊

佢地話唔洗番去啦,你依家走得嫁啦.我話要番去等人

佢問等邊個,我話等果個令妹.佢問佢係咪我家姐=0=我話係同學

跟住過左一陣就番去啦,番到去再搬埋少少野就走得啦,同除海走的

本身除海六點收工嫁啦,但係由於我既關係佢做要8點半先走得

真係夠朋友,如果唔係佢我諗我唔敢番屋企囉,今日!真係好多謝好多謝佢呀,今日!

仲有要多謝eliza幫我諗辦法,仲有呀輝幫我搵定地方住,仲有一個搞屎棍大文

仲有d師傅教左我咁多野.未做之前除海同女人都話有個師傅好惡

但係我一d都唔覺,因為佢地都幾nice,起碼冇鬧我!

番到屋企...冇事!佢唔係屋企,唔知佢去左邊.

沖涼,打日記,訓教...

今日真係好xx(唔知點形容,搞到我好驚,驚到唔敢番屋企)

不好過采有身邊既朋友幫忙,我終於可以平安地番到屋企..

真係好多謝好多謝你地呀,my best friends.