今日係班際三人籃球決賽,我地7點幾就出左黎練波,練練下落雨
就去左廁所避難...細雨就番體育館,,係廁所搞左好耐先出黎
跟住又係體育館打左一陣,發覺今日d三分得得地
要集隊啦,好彩今日好多人都有番,真係好
第一場比賽係F.1比,第2係F.2,第3先到我地級
睇左女仔打左一半就到我地啦...都有少少壓力,唔敢保證一定會贏
比賽...進行得好激烈,十分鐘,好快就過去左啦
結果係...10比8,邊個10呢?呵呵,唔係我地.
我地得8分咋,不過我入左4分,哈哈!!
10分鐘,實在係少得可憐......啱啱打到起火,就要滅火,真係冇引
最後我地得到亞軍.我的3年成績係1金1銀冇銅.
放學同傻婆去左圖書館還書,再送佢番屋企
我番到屋企時,冇人,,其實太正啦,不過我唔可以番係屋企咁耐
因為如果佢地番到黎,我要出去便有少少難.
所以我決定去徐建強屋企等,帶埋包面去煮,哈哈
當我啱啱落去樓下,就見到.....我妹,我鈿佬.......不過好采未見到佢
於是我用超音速走後門,再跑去徐建強屋企,咁就終於安全啦
係佢屋企睇卡通片,等到3點就出去啦.
去到學校門口,見到3個人,一個係出貓,一個S塔mama,一個係朱朱
我第一眼見到朱朱果陣認唔出係佢,以為係格遑班既女仔@0@.
等左好耐,最後都係得我,細哨,低b昌,出貓,s塔mam,朱朱,嘉茹同夜香咋啵
唔緊要啦,其他人話遲d黎..........
跟住我地去街市買野,再搭輕鐵轉西鐵再轉番輕鐵去到美樂..
我地3個男仔先去霸爐,女仔仲要去買野
一去到,見到好多好多...........吉爐,洗鬼霸咩!
起爐起左好耐,最後要出貓出馬先得....先燒野食,好鬼餓
燒左一陣同細哨去左游水,d水唔係咁干靜,不過都照游,同細哨游到橙色波果到
過左一陣,幾個女仔落黎沙灘玩,點解比人堆沙果個又係我?
再夜d,林靜,見美,朱朱(另一個)同小檸檬都黎埋,佢地就係到燒野食,我地就去玩啦
我地玩左好多遊戲,有和仔,糖痴豆,紅綠豆同火星撞地球,等等
又訓係到觀星(近視的得都多見到2粒,其他都係飛機),唱歌.玩字連.......
好開心...但係s塔mama都早d走,真可惜!!
9點幾,大文,呀廖同小杰都黎埋,不過大文同呀廖都唔玩
最後好多女仔都比我地整濕左,哈哈哈^0^.
玩到11點,走人lu,講講下講到d關於鬼既野,我叫佢地唔好再講啦
如果唔係我番到去唔敢沖涼呀....
我地搭車番到天水圍已經12點幾,d女仔去食糖水,我唔去lu.
番去屋企就沖涼訓教.....冇諗到果d野
今日都玩得幾開心,不過唯一既不足就係太少人
我諗咁玩法都唔會有幾多機會......... |
