今日超級想打人,尤其係某人.睇黎我係佢眼中係一無是處,做咩都係錯
佢講既野一定係真理,唔可以違反,一定要遵守,否則.......
我真係忍無可忍囉,究竟我要忍到幾時呀?邊個可以黎救我呀?
琴晚我去攞完傳單番黎就去左跑步,佢沖緊涼,唔知到
我11點番黎,全部人都訓左...
第二日,佢就係到鬧:攞完傳單番黎仲唔去派去跑咩步呀?
睇黎你都係冇得救嫁啦.叫你去做第二間你係都做番果間
你去做果間成日比人搵笨都要去做
當我講既野係耳邊風係咪呀?唉,算啦算啦,你都係執包袱啦
真係見到你前面就憎到你後面.
如果你地係我,見到遇到咁既情況會有咩感覺
我仲忍到既,呢d野只可以激嬲我50%,如果我嬲到100%我都唔知會發生咩事
我去跑步關佢咩事呀,又唔係跑一步就踩到佢一下
我鐘意去邊間做又關佢咩事?係咪一定要照佢意思去做先?
如果話我呢d都叫比人搵笨既話,佢果d叫咩?
我換左部單車,都要收我600蚊,部單車又唔係新又係唔係型
算啦..我都唔想講啦,我講既呢d只係冰山一角,要果要講晒睇怕要講1日
最後比佢鬧到要出去派傳單
派左2棟之後同大文去派,,派到5點,腳都軟呀!!
我真係唔想再留係到啦,如果唔係為左小敏
睇怕上年我都唔會番黎,唔想再見到呢個魔鬼呀
我一定要搵到多d錢,我一定會走,我一定唔會再番黎
呢d...都係等我搵到錢先講啦!!
竟究仲要忍受幾耐?我唔知我既忍受程度可以去到邊
萬一,真係忍唔到既話,第二日可以係報紙到見到我.
我受夠啦.
|
