今日5點半起身溫物理,因為琴日只係馬馬虎虎咁溫左西屎.

起左身之後好眼訓,溫溫下訓雀左,訓左個字,比教命電話嘈醒

如果唔係我會繼續訓,訓到7點,到時我一定溫唔晒囉!

番到學校,譚有成見到我副眼鏡,佢認得出就囉番比我,thx

今日第一節考西屎,少少難,少少唔識,因為唔係溫得好仔細

我諗都有8字頭,但呢個唔係我想要既成績

考完溫埋未溫既物理...

呢份物理卷都好簡單,不過寫錯好多野,好唔抵

輻字寫成左幅字,好低能呀

我諗都有8未頭,不過都唔係我想要既成績囉

考完去左自修室溫化學,去左5個鐘,溫左二十幾版

又唔係溫得好仔細喎,我鐘意自修室,但係溫唔到書囉,點解呢?我都唔知

今日打到呢到,everybody加油!!!

今日6點半起身,咁早起身做咩?去自修室溫書囉...
首先去學校等梁嘉杰，ｍａｎ娟同書僮，今次書僮遲大到
講真,今次係我第一次去自修室,第一次去就要咁早啦,陰公！
去到之後擺低書包就去左行百佳，行左一陣就番去排隊
排左一陣就入得去...入到去坐左一陣同梁嘉杰調位
今日我主要要溫既野就係數學
咪以為我數學好掂(其實都幾掂,不過今次好唔掂)
如果今日唔去既話我諗我d數學都幾難高分
好采今日除海係到,如果唔係真係唔知可以問邊個
我發覺我次次去問除海數果陣都有個似細佬仔既中四男生用羨慕既眼神望住我
唔知佢想做d呢?
溫到1點去左大快活食野,食完同低b昌去左機鋪打機,好難玩呀
跟住又番去溫書,溫到4點9先走
走果陣同低b昌去買左條褲同件衫,跟住又去左打機
打到6點番屋企,番到屋企6點半,食飯,洗碗,拖地,打機
到左8點半同徐徐去跑步,差唔多跑左成個天水圍
跑完又去左打左陣波,到左10點半我先番屋企
好累,沖涼,打日記,訓教
聽日繼續去溫書
今日真係過得唔錯,有溫書又有做運動
有壓力的話不妨做運動減輕下呀,真係唔錯嫁