今日5點半起身,唔係溫書都唔係打機

係6點要出去教傻婆數學

我換左衫之後打比佢,冇人聽,我諗佢未訓醒

唔想溫書就開左電腦打機...打左一陣再打比傻婆,都冇人聽

再打多陣機,7點幾再打多次比傻婆,都係冇人聽

7點半出門口,本身諗全搭車番,不過最後都係行路番

行到天逸時撞到嘉茹,就同佢行,行到頌富得埋水餅

番到學校啱啱好夠鐘,上左二樓搵大肚婆(莊子)借計數機

今日第一節考數學,臨考前先發覺有d唔識,認命啦

全程75分鐘,做左幾題mc就去做問答題,最尾果版有d唔識

做晒問答仲有5分鐘,跟住做埋未做既mc,唔識就跳左佢,唔想蹝時間

最後有4題係撞既.....

第二節考中文作文,又係75分鐘,簡短寫作唔記得格式,因為冇溫

長文就簡左"一個____夢",我寫左"一個小時候的夢"

考完去左打波,好少人,唔好玩,打左一陣就走左lu

去ok買野果陣又見到 X miss 同 Y sir 啦

番到屋企訓教,訓到7點,呢幾日都唔夠訓,最多都係訓左7個鐘,最少訓左4個鐘.

訓涼果陣諗諗下,突然諗到數學mc又錯多題,點解我咁低b?

唔敢再諗落去啦,我唔想我數學愈黎愈低分呀....

今日打到呢到,88

今日5點半先起身溫生物,溫唔切添(其實我溫得切嫁,玩左一陣電腦咋嗎)

好眼訓呀,點算呀

今日落雨,冇得揸寶馬番學,唯有搭車番去啦,7點10先番到學校！

番到學校就上左去溫書

臨考前都未溫完＝．＝”我諗我未溫果ｄ唔會考掛

考完啦∼呢份卷話難唔難，話易唔係好易，我覺得幾啱我地

小息冇野做，行黎行去，因為一陣考英聆，冇得溫既

考完之後冇咩感覺，雖然唔明佢講咩，但都盡左力去做，唔合格我都唔會怪自己

放學去左頌富兜左兩圈，就番屋企啦．

到左２點，去左天悅青年空間既自修室溫數學

果到好嘈，不過可以離開個位好耐

溫左４個鐘，都唔知溫過ｄ咩－．－”

由考第一科到依家，最難既都係中文（英文除外），其他都一般！

仲有幾日咋，大家點挨都要挨埋佢呀！加油！！