Hi!!!!!!!!!!!!病到衝上雲宵咁,由星期日至今一直受到病魔煎熬....
先記返星期六,原本星期六我一早打算係屋企休養生息,
不過中午守健打黎話玩手球,我諗左一陣...最後都係狗衝過去元州。
去到就真係搵黎搞....明明同我講玩手球,係啊,係就係有手球係度ah,
不過佢地租個場黎玩閃避球....話說我係一係閃避球好手黎,
我係完美閃避者,但係...我諗諗下都係做觀眾....
因為在場有tina姐! tina係教我跳舞既朋友.....我又真係估唔到
守健會識佢....搞到我幫守健又唔係,幫tina又唔係= =
跟住我就揮揮手就話幫手照顧小朋友! 有個我唔係咁識既人帶左個小朋友黎....
雖然我唔喜歡小朋友...不過我更加唔想玩用手球黎打既閃避球!
真係精神有問題....用手球黎玩點接....個波快到避都成問題!
加上佢地D腕力..... 手球又有得落西...我睇都覺得恐怖。
第2場血腥閃避球我有玩啊....真係接唔到...
我在場就好似一條生命值咁....D人係掟我唔中!
但係我就好似負責比人掟....我手球比賽係玩彈地波....
有玩都知彈地波先係手球最好境界!
頂,但係掟人用直球先work....我即刻攻擊下降,
我玩閃避球既

攻擊力得38
閃避率應該有80%....
最後....都冇最後...我係隊友carry下win左。

星期日就開始病,再一次放左高登fung既飛機
係屋企訓左成日....病到痛不欲生

星期一冇轉好過! 課室又焗,我真係暈到分唔清東西南北....
一放學我9秒9坐車返屋企訓...

星期二我parkour都冇去玩= =真係見暈,
我訓左成日,真係成日..好彩荃灣有屋企人,有人整野比我食,
不至全日都冇野食.....不過yl都應該有人比野我食,
yl 都有朋友好為得我,不過在家千樣好!
奇怪既係..一訓醒屋企就有人既感覺真係好怪...
話晒我以前一病訓到天昏地暗,電話唔接都未有人知咩事....

星期三我堅持返學,不停講廢話啊....個腦真係燒熟左,
外表可能睇落冇咩,實情就係..我真係病到痴線.....
跟住我之前約好左高登fung,我廢事走數...
就去同佢打左陣羽毛波! 朗屏個體育館真係唔靚...
有去過就知,冇去過都唔建議大家去見識....

今日! 我真係冇返學la...體能堂點上?
再跑我真係客死異鄉....

聽講人地blog可以唔洗打,可以錄音!
勁方便!qooza 點樣可以錄?


我一定加以加強心肺功能,強到心臟
唔會再加速跳動!



Re　Sol　Sol　Ti　Do　Ti La　Sol　La
Ti　Ti　Ti　Ti La　Ti　La　Sol