我無令日記變週記會唔會太勤力?呢個星期天氣太過唔好啦....
令到D定期既集訓都唔可以去玩....不過!我終於增肥成功!
都未到大肥,少少咁啦~目標大概肥到好似強吻王咁就心滿意足!
到時我願意一死以謝天華!

講講今個星期比較不愉快既事情先....
唉,色字頭上一把刀。我好清楚世界上好多奇怪既人。
係wechat....自從我返左黎荃灣之後真係不停受到騷擾....
有D叔叔竟然會問你想唔想搵返個男朋友.....傻的嗎?
女既真係會有人冇啦啦add你,想話做某方面既交易....
我連丁都唔打,就一定唔會受人誘惑架啦!頂
不過有一個女仔就靚靚地又正正常常咁同我吹水,
咁我就冇咩所謂啦~
HIHI! 星期四果日佢話去睇子夜場,
我一開始唔知咩叫子夜場,佢話係12點後開場果D就叫子夜場....
OK~明白,我星期5要返學都去得,返正都係返1030~
佢同我住得OK近,所以一齊搭車去,
我的媽....佢真人勁多野講,多到我覺得煩.......喊晒口咁我。
車程大概4~5個字就到左朗豪坊ua。飛呢D野佢一早買好,
睇個戲佢食勁多野食,好似去野餐咁....
難勁既係,佢睇緊戲都勁多野講...大佬ah!我係黎睇白宮淪陷ah,
唔係黎聽覺淪陷!我同你一齊睇....你唔明既野我又點會明....正一傻的嗎。
我好心細細聲叫佢唔好出聲....個傻的嗎咬我....我真係心裡面大叫左一聲大膽!....
自此,我滄海一聲笑咁唔理佢,佢都唔知我咩事。

到左今日,上葵芳哩面真係幾好太陽又有少少溫度,我著短袖出街,
黃昏去tm後悔到我呀.....勁大風又凍,咩料AH? 咁我早左到,未有波打。
就去鄧肇堅跑下步先啦....
媽媽....!!!!!!!! 我唔停都冇咩feel,一停就嘭嘭咁黎料......真係又濕又凍,
差少少客死異鄉....
感謝後來阿努阿濤比左件衫我著.....真係展示出咩叫人間有愛!

我真係好怕凍,凍到成個薑餅人咁....縮縮不行了!!!!

4點啦.....好眼訓



遊離你的眼睛　給你的期待的寧靜
戀愛　並沒固定行程　何處亦有好風景

鼓起勇氣　若等不到你
下決心冰箱中寄居