今晚再繼續我既試晚裝同婚紗既schedule , 一間叫Charming Image 係尖沙咀百利的 , 呢間係我真真正正試上身的第三間 , 入過去睇的就己算唔到係第幾間了 

 今次有表哥同表嫂陪我去 (其實表嫂KATHY係我同事 , 全因佢我先認返個表哥 , 不過玩左成日先同佢相認 , 其後我仲同表哥傾左成世女都同佢傾過既計o添呀 , 哈 , 勁呀) .... 我一早就計劃定試完衫去新星打边爐呀 , 買一送一 , 超抵 , 食物質數又唔差 ;  但優惠期有限呀 , 只做 100天 , 去到三月尾

呢間晚裝租賃舖頭真的值得一讚 , 衫不但任試 , 且職員 JACK 就算我話試夠了 , 佢都不厭其煩再攞啲新款比我試 (我好趕呀 , 因試左差不多三個鐘 , 好肚餓呢 !!! 嘻 ) 其實就連唔係 serve 緊你既職員聽到我想要咩款 , 佢都會幫手揀比我試 , 實在太好了 , 真係抵佢地咁好生意 ,最後決定落訂

HKD4800 包婚紗 X 1 及晚裝 X 4 ---- (本來 HKD5080 , 我地循例都要講講價 , 呢個價錢都合理)                                                                                                                    

 好嘢 , 又搞掂多一樣嘢

 ** 因要決定落單才可影相 , 故只影到婚紗 ** 唔打緊 , 因有一次轉款機會 **  唉 , 要減肥呢 .....