| «‹ March 2015 ›» | | S | M | T | W | T | F | S | | 1 | 2 | 3 | 4 | 5 | 6 | 7 | | 8 | 9 | 10 | 11 | 12 | 13 | 14 | | 15 | 16 | 17 | 18 | 19 | 20 | 21 | | 22 | 23 | 24 | 25 | 26 | 27 | 28 | | 29 | 30 | 31 | |
|
2012 年 9 月 14 日 星期五  |
放產假中 (回顧懷孕的日子)  |
分類: 未分類 |
產後第34天 , 興之所至寫日誌
回想懷孕既37週總算是恩賜 , 因為不是太辛苦 , 沒有太大的不適 , 沒有嘔吐 , 頭暈 , 只是易攰而己
此胎是在我倆計劃生產的 , 要生個龍B , 為左一Q 中, 我早就算好日子 , 按著行事 :) .... 慶幸三個月內成功了 ;
記得月事沒來的當天 , 我己急不及待買驗孕棒CHECK CHECK 佢 , 可惜是NEGATIVE , 隔多兩天 , 月事沒來 , 我便再CHECK 一次 , 結果BINGO 了 , 可能是計劃中 , 故跟SAM 說時 , 他也沒太大驚喜 , 很冷靜 (我感覺的)
我跟一般孕婦沒太大分別 , 都是愛吃同瞓 ; 頭三個月時 , 真係好眼瞓 , 我直頭可以放工返屋企瞓左先 , 飯都可以唔食住 , 好似食左安眠藥咁呀 !!! 大肚后 , 我講得最多係 "好眼瞓" 同 "食左好似無食咁" ; 以前我食個早餐都要同栢喬SHARE , 而家去M記要食個魚柳飽餐仲要加盒麥樂雞都唔係好飽 .... 半夜一點肚餓要食個福面先瞓 .... 嘻嘻
當初我跟SAM 都係較喜歡囝的 , 但我看下 , 我家全是囡較照顧同CARE 屋企 , 鍚爸媽多啲 , 心想 , 都係囡好 , 我接受不了比囝背叛 (說嚴重了 ) ; 結果如我們所願 , 照結構出來既結果是千金 , 我們亦為她改了個乳名 "豆豆B" , 跟她爸小時候的一样
到了好像大概28週 , 我要去做血糖測試 , 前一晚 12時後不許進食 , 明早 8:00先抽血后飲糖水 , 隔2小時再抽血 ; 護士說沒事就不會通知你 , 若不合格就會一星期內收到通知 ; 心想 , 我體型不算太肥 , 都不會超標吧 ! 可以 , 真的超出我預料之內 , 竟然收到信要我到聯合見營養C (報告所示10點幾度 , 正常係7-10) 接著係食啲食左都唔飽既營養餐一星期 , 我當然跟唔足啦 , 但都自動減了火食 , 心情也受影响了 , 試問一個大肚婆有食唔飽係幾咁淒涼呢 .....
一星期后 , 我要到聯合日間病房跟佢既餐單食一+ 抽5次血覆檢一下個結果 , 今年係我人生裡抽得最多血既一年 , 好在不是太痛 ; 嗰啲咁既營養餐 , 下午茶竟是一塊梳打餅呀 ..... 好無奈  .... 啊囡咁細就要節食 , 好唔人道啊 !!!! 不過當晚出院后 , 我都去左茶餐廰食左個面 , 驚肚餓夜晚瞓唔著 ... 嘻嘻
再一星期后 , 到聯合產檢及睇血糖報告 , 醫生告知我血糖正常 , 我多口問他 , 咁而家指數係幾多度 , 他竟說係4點幾度 , 我好驚呀, 吓 , 會好返既咩 ??? 上次係10點幾喎 .... 醫生回覆 : "10點幾係飲左糖水之后 , 你係偏高 , 並不是妊娠糖尿" , 我鬆了口氣後 , 不禁大聲小小說 : " 下 , 上次個營養C 又唔講清楚 , 等我驚左咁耐 ..... " (無奈AGAIN) ; 為左慶功 , 嗰晚就上左郁家高興下 .... so good
待續 ........
|
2010 年 10 月 5 日 星期二  |
新居 ... 新居  |
分類: 未分類 |
因我resign 左 , 啲野又pass 晒比新同事 , 故我真的返黎坐係度等收工 ... 哈哈
呢個幾星期 , 我不停咁search 啲室內設計圖片作為參考 , 諗下將來個新居可以點样裝修 , 傢俬可以點样擺設 , 牆身油咩顏色 ;
但都係要以節儉為 ; 真係好期待屬於我同三少既新居 , 呢個新居會令到三少起碼10年內唔洗再搬 ;
雖然 , 我無我啲朋友仔咁好彩 , 有 69 / 99 OR 爸媽送首期或送層樓比自己 , 但我爸媽都有出手幫幫我筆首期(係要還的) , 真感動我有這爸媽
|
| 2010 年 10 月 1 日 星期五 |
| 國慶 BBQ |
分類: 未分類 |
好耐無同屋企人BBQ 喇 (仲要有三少參與) , 好開心呢 , 好在有偉大既媽媽一早去揾燒烤爐先有得燒咋 ... 感謝 !!!!
記得大郁歲幾時都有參與我同屋企日既BBQ , 今次都有一個月大的細郁參與 ; 細郁真係好勁 , 咁嘈都瞓到覺 , 由黎到走為止 , 我諗細郁眼仔碌碌既時間唔多過半個鐘
大郁就開心喇 , 可以走來走去 , 仲有啲EE 請佢朱古力 , 幾開心呀 .... 不過佢真係好鍚弟弟的 , 就算食物引誘佢 , 都不為所動呀 ; 見佢咁錫弟弟 , 啲EE 咪話唔洗交換 , 叫佢攞返去同弟弟食 , 佢竟識答 : 弟弟無牙仔呀 , 引得大家捧腹大笑
到我要同我妹SAY BYE 時 , 大郁又竟然看住我妹爆左句 : "睇車呀你" , 真係比佢笑死
呢張係大郁幫三叔影既寫真
 |
| 2010 年 9 月 30 日 星期四 |
| 人的面皮真厚 ... |
分類: 未分類 |
仲有12日 , 我地三位同事就可以離開呢間公司喇 ...... 好期待 !!!!
雖然己有新同事就位 , 但我相信老闆都睇到佢地唔係好掂 , 且個新同事都有同admin 隻方形老古董講自己跟唔掂 , 太多了 (因做事唔識轉彎 , 故稱之為方形) 所以老闆就係我係呢間公司做左2年先黎問我平時做啲咩工作要做 , 諗住幫啲新人重新分配工作喎 ; 好可悲 , 我地嗰時係咁嗌workload 好多, 佢無正視過囉 ; 仲問我一個星期有幾多個job , 我答佢: 我無計囉 , 有幾多做幾多 ..... 佢就只係對住我笑 , 真係祝佢好運 !!!!
最可笑既係 , 呢間公司既老闆同admin 隻方形老古董死咬住我同事仔唔放 , 見到啲新同事唔掂 , 到今時今日先開聲話加佢人工 , 叫佢at least 留係度幫多佢3星期 , 又話咩唔想累左啲新同事 , bullshit .... 咁边個諗我地呀 !!! 佢地實在太無恥 , 太厚面皮 , 同事仔叫左加人工好耐 , 佢地唔理 , 到要入棺材先黎叫救命 , 到底憑咩要人地留係度幫佢 ? 我同事仔緊唔會中佢地計啦 , 且己話佢知18/10有新工返 , 佢轉個頭仲要再同我同事仔講 : 不要幫到過埋年呀 , 又可攞埋double pay, 我聽到都扯火 , 妖 , 到底有無聽人講野o架 , 唔係時間問題 , 係我己揾到工呀 .... 低B !!! 咁點呀 , 過埋年叫同事仔走呀 , 過橋抽板 , 正人渣 |
| 2010 年 9 月 27 日 星期一 |
| 新同事 |
分類: 未分類 |
呢排係公司主要都係教新同事做野 , 佢可以話係一個極品 , 有14年FORWARDER 工作經驗 ....... 但佢係自己降價入黎做的 , 月薪 HKD12000 , 老闆請左佢 , 前前後後每個月慳4千蚊呀 , 唔怪知得質素欠奉啦 !!!
以下經典之作令人發笑:-
1) 攞住船公司張 S/O 問我放比边個 ; 我頓時O 左咀 , 緊係SHPR 啦 (心諗唔通攞返屋企咩) , 佢再問 , 边個係SHPR 呀 ??? 頂 , 你睇返張BOOKING 啦 (好懷疑佢係咪真係有做過)
2) 將啲睇左 , 但又唔知自己跟左或答左未的E-MAIL 放係DELETE ITEM 嗰個 FOLDER 度 , 我問點解 , 佢仲答我因為睇左 , 故放係嗰度 , 可笑程度 over 100
3) 我想pass 啲新嘢比佢 , 佢叫我等多陣都算 , 夠膽問我要講幾耐 , 我又時 O 左咀 , 極品2號新同事連忙幫我答左 : 睇你吸收得有幾快啦 ..... 我唯有婉轉啲答佢 , 睇下我講得有幾快啦 
4) 我叫佢去船公司取單 , 若 hk 出口要係one port 度 print D/R, 隔左一陣 , 佢問我 : one port 放左係 G: Drive 边到呀 , oh my god, 係要上網 print 的 .....
Anyway , 祝佢好運啦 !!! |
| 2010 年 9 月 24 日 星期五 |
| 揀樓日 |
分類: 未分類 |
今日請左假去樂富房署揀樓 , 玩左成日呀 ....
去到房署 , 先查看仲有边啲單位有得揀 , 個個係度抬高個頭黎望 , 盡力為自己的揀個最好既單位
我地主力係找啲低層細單位 , 因大單位差不多售罄 , 且我地資金有限 ; 我地最低要求係2 or 3 樓 , 因有停車場及商場 , 故加起上黎既樓高都可接受 ; 係等候揀樓既其間 , 我地選 5-6 個單位 , 但好緊張呀 , 因係我地前面既人係有機會揀左我地己選的 , 結果 , 此情況真的發生了 , 好在最後都揀我地啱心水的 , 且距離商場是最近的一幢大廈啊 !!!
選好了單位 , 房署發了一張臨時買賣書供我地找銀行安排本票 (白表一成訂金) 及資詢按揭既事情 ; 一出房署門口 , 我同三少就好似萬人迷咁 , 啲銀行職員係咁遞啲卡片及宣傳單張到我地面前 , 咁既情況 , 我緊係跟住三少後面扮小女人啦 , 佢見慣大場面呀嘛 (後生去disco 時成日查牌) , 我不停咁問點呀點呀 , 三少好有見到咁話 , 緊係呢間啦 (中銀) , 撐晒傘咁 ........ 話有誠意喎 ; 可是佢個sales 就麻麻地喇 , 答啲問題都唔肯定既 , 最有見地係送左 hkd200 wellcome cuopon 比我地 ; 及後我地又去埋hsbc 及恒生問埋按揭既情況 , 同样每間有 hkd200 cuopon 比我地 , 全日賺左 hkd600 呀 , yeah .... final 我地揀左恒生做按揭 , 因佢可以即日批核 , 以免我地萬一真係上唔到會而要比房署殺訂;
之後我地又要待房署午飯後交回本票及取回臨時買賣合約 + 簽埋啲什麼聲明咁囉 , 玩左成 2 粒鐘 , 超攰呀!!!
好事真係源源不絶 ... 返到屋企 , 係我煮飯其間 , 我上次INTERVIEW 既黃生打比我話佢老闆想打黎同我做PHONE INTERVIEW, 仲CONFIRM 埋會請我 , 真係好興奮!!!! 事有湊巧 , 原來我既新老闆之前有黎過CTL , 佢話老闆想佢收購 CTL , 可是 , 佢覺得呢間公司無潛力又無價值 , 故擱置左 , 仲話我走都係覺得呢間公司無咩前途 , 都係既 , 老闆年紀都大 , 呢間公司莫講話再有呀咩發圍 , 玩得幾耐都唔知啦 , 故走係啱既 ... good !!! |
| 2010 年 9 月 22 日 星期三 |
| 中秋夜 |
分類: 未分類 |
今年中秋 , 三少可以放孖day 實在難得 , 故我好似身痕咁 , 點都要揾啲地方去 , final 返左大陸揼骨 , 爽呀 ...... 我同o個兩個按摩師不知傾得幾開心 , 但三少就瞓得好冧呀 , 搞到啲按摩師問我 : 你老公係咪唔鍾意講嘢 ?? 呢個問題實在太可笑了 , 佢地有所不知 , 三少因工作需要 , 係要同客人不停講野 , 且紀錄係坐603 回家由灣仔到藍田都唔收口的 , 哈 ... 但瞓覺既喜愛指數都係爆燈 !!! |
| 2010 年 9 月 21 日 星期二 |
| Interview |
分類: 未分類 |
今日去見工呀 , 我唔想咁趕 , 故特意請左1 hour 假 ; 為免塞車 , 我坐MTR 到尖咀打的 , 點不之個的士司機去錯地方 , 我又唔知 , 結果比佢老點左 , 要行成15分鐘去反正確目的地 ... 仲要係著住對2吋高跟鞋 , 躁呀 
其實我都唔想再interview 喇 , 因唔喜歡填form , 啲間格又細 , 我又多野寫呀 , 可惜寫的學歷又唔係 MASTER , 又唔係 DEGREE , 又唔係大學畢業 , 唉 , 真係獻醜 
份工我都OK 既 , FORWARDING 呢係香港今年年頭先發展 , 故我去到都係一腳踢 , 做第二隻開荒牛 ; 我心諗 , 自己又唔係咩大學畢業 , 無咩機會會升 , 但係若是 "老PAT PAT" 都 may be 有機啩 , 且offer 既人工跟而家一样 , 3個月後可能有得review , 又有bonus , 都不錯呀 .... 個interviewer 話 , 佢會send 我啲info / CV 比佢上海既上司睇 , 若OK , 會同我做個 phone interview , 我只好靜待 , 與此同時 , 都繼續努力揾工 , 加油呀 !!! |
| 2010 年 9 月 19 日 星期日 |
| 天賜bonus .... 收到揀樓信呀 !!! |
分類: 未分類 |
天除左賜良緣外 , 仲會賜良機呀 .....
尋日星期六 , 我瞓到成2點呀 , 一瞓醒就有人按門鐘 , 基於我瞓醒個人勁"烏wear" , 故唔想開門 , 且望出去又無人 , 索性唔開啦 , 但門鐘又再响喎 , 原來係郵差 , 佢仲同我講 , 揀樓信呀 , 啱你呀 , 簽收啦 !!! 真係好驚訝 , only 得3118個居屋單位 , 我個編號係 4660 , 咁都有得揀 , 仲快到 24/9 就要去樂富揀樓 , 真係奇蹟... 此時我心情既開心又無奈 , 因13/9 先 resign 左 , 但呢個係上車既好機會 , 點都去揀左先啦 ....
有見及此 , 我即刻同三少建議星期日去實地考察下油翠苑啲單位同景觀 ,但條友仔夠膽同我講話實情己在房署提供既買賣說明書到睇到晒 , 頂 .. 而家買棵菜咩 , 唔洗睇 , 最後佢當然就範 , 要同我去睇啦 , 因為道理係我嗰边 !!!
我地睇晒所有開放既單位 , 有啲3房2廳 600 多呎 , 好正的呀, 但聽啲保安員講高層及大單位己比人揀晒了 , 且若真的揀到3房係有一個好重大既問題同風險 -----> 最可怕既99可能會求黎住 , 你話係咪有得揀都唔敢揀呢 !!!!
睇完示範單位 , 我就走左去黃大仙廟上香 , 因梁柱 (相士) 之前同我講過揾工前最好去廟到上炷香 , 果真堅呀 , 很快就收到電話約我去interview ... yeah , 仲要間公司係歐洲都幾大間的 , 緊次於KN 呀... GOOD
|
| 2010 年 9 月 12 日 星期日 |
| 公司又搬遷 |
分類: 未分類 |
繼 cut 左唯一一個air 既同事黎cut cost, 老闆又出招喇 ; 隻老孤狸 (我老問) 話公司太大 , 要搬 , 順便cut cost , 我做左兩年就搬左兩次 , 今次隻老孤狸 / 老古董 / 黑面老女人仲守口如瓶 , 完全無透露搬去边度 , 就算我姐問隻老孤狸佢都話未confirm , 仲係度耍我地 , 又話有人買盤 , 又話係葵芳睇緊office , 又話may be搬去 causeway bay, 全部廢話 , 當我地白痴 ; 咁我地緊係唔會坐以待弊啦 , 我地有我地既辦法 sure 佢地搬去边 ;
之後我地三個同事就有所行動 , 比時間老闆覆我地到底搬去边 , 但佢以為我地講笑 , 都係唔confirm 我地 , 我地唯地再進一步行動 , 就係12-SEP 三個一起resign , 老闆竟然回贈我地兩個句說話 : stupid .. fucking stupid , 仲即刻叫隻老古董登報請人 , 佢要型嘛 ;
可是佢又唔型得好耐喎 , lunch 前又同我姐講 , 不如我地傾下 ; fine, 咁傾囉 , 順便講埋啲workload , 隻老孤狸竟然話我地workload 唔多 even 跟埋air shpt, shit x 10萬次呀 !!!! 痴架 !!!!
其實 , 我同我姐都係向錢看 , 我叫價加 hkd2000 , 若隻老孤狸拍板我就跟佢去黃竹坑 , 結果係隻老孤狸話分幾個月加比我 , 當我乞兒呀 , final 我姐幫我 fight 到一次過加比我 , 但隻老孤狸唔加比我姐 , 我緊係唔做啦 , 不然 , 做死我呀 !!! 況且 , 黃竹坑度係佢買的, 佢又洗左一筆 , 若留低 , 將來想加人工都難喇 , 所以走都係無錯的 ... good |
|
