| «‹ December 2014 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | 31 | |
|
2010 年 7 月 14 日 星期三  |
| 值得一讚 ..... |
分類: 未分類 |
一向吊兒郎當 / sasa 滾 / 口花花 / 招招積積既三少真的變了 ....
我相信三少係佢仲係同佢媽住時 , 係唔做家務的 , 現在己不同了 (仲做埋我厭惡又唔想做嗰啲) , 仲會去街市買餸等我返黎煮 (不過叫佢買小小野, at least 打兩次比我confirm , 唔敢拿主意 , 怕買錯比我丙喎) ; 係爛瞓改唔到囉 ;
每週三係三少的例假 , 通常佢都無咩特別嘢做 , 最歡喜係去接佢姪仔 (大郁) 放學買包包 (好有愛心呢) , or 同佢兄弟 -- tai tai 去食tea 吹水 (佢地長吹長有的) : 今天我吩咐左三少等師父黎裝冷氣機 , 師父12:00 到 , 我11:45打比三少叫佢起身 , 但都係多餘的 , 佢照瞓 , 連門鐘都聽唔到 , 要我再打比佢先肯起身 ;
今日佢都好好 , 做左好多家務 ; 我放工返到屋企 , 佢己急不及待好似小朋友咁黎領功 , 話我知佢今日吸左塵 , 拖左地 , 收左衫 , 晾埋衫 , 仲洗埋地掃同垃圾鏟 , 勁呀 , 比佢做晒咁滯 (我最開心都唔係因為我唔洗做 , 係我感覺到佢為屋企出既力同埋佢真係有將我媽係我地結婚時所賜既忠告-- 家務兩份做 ... 嘻嘻) ;
為左奬勵佢 , 食完飯我唔洗佢洗碗 (哈), 仲奉獻左我既第一次比佢 ... 第一次係街場打藍球 , 藍球係我送比佢既生日禮物 , 終於開齋了 , 果然如三少所講 , 佢打藍球好勁的 , 我亦有幸可以睇到佢既英姿 !!!
|
| 2010 年 7 月 2 日 星期五 |
| 抽居屋 ... |
分類: 未分類 |
香港房屋委員會推出售賣第六期剩餘居屋 , 有馬鞍山 / 天水圍 / 油塘 / 東涌等 , 其中油塘油翠苑係我既心水 , 方便我同三少返工放工 , 故我都有遞票申請 ;
據問今次白表比率佔八成而綠表則佔兩成 , 比起之前比率較高 , 而且兩名家庭成員入息上限都只係 hkd27,000 , 真係啱晒我地呢啲新婚夫婦 ...
而家租緊人地地方住 , 唔知包租婆個仔幾時要娶老婆而收返層樓o架嘛 , 故若今次抽到 , 我同三少就會有一個屬於自己既單位 ........ 哈哈
|
| 2010 年 6 月 25 日 星期五 |
婚後的第一次 ... 同三少慶祝牛一  |
分類: 未分類 |
今日係三少既牛一 ...
由於呢排都好忙, 且三少又話自己年紀大 , 唔好搞咁多野, 故我都無花心思同佢點特別咁慶祝 , 但都諗住同佢食好啲 , final 去左金滿庭 (京川滬菜) ; 但真係對佢好啲都唔得 , 因瞓到夜深時佢竟唔知係胃痛定肚痛 , 成晚瞓得唔好 ;可能三少都知自己咁样衰 , 故佢本來都只係話食食公仔面就算的 ....
快年介三十都咁可愛既三少 .... (佢成日話自己童顏的 , 自信心爆棚 .... )
去边間食京川滬菜 , 都有三少指既上海粗炒 (三少喜歡食既原因係 ... 無骨呀 !!!)
呢個都係三少點的 -- 炒鱔糊 (但三少係唔食韮)
都係三少指定的小籠包 (favour)
奶油津白
酸辣湯一客
回想返舊年 , 替佢搞左個神秘party , 又靜靜地收埋佢想買既嗰對鞋既單據 , 諗住靜靜地幫佢攞 , 然後送比佢 , 但被發現 , 咁我當然係出絕招--->死口唔認啦 , 可是最終都係失敗左 , 因對鞋係日本送唔切返黎香港 , shit
今年我以低成本送左個"火車頭"籃球比佢 , 好難先"鼠"到去買的 (因三少好痴身) ; 唉 , 我都己成佢既妻子 , 但竟然未見過佢打籃球 , 咁我好難相信佢唔係吹水話自己係籃球校隊o架喎 ...... 
|
| 2010 年 6 月 20 日 星期日 |
第一次同三少去船P  |
分類: 未分類 |
越黎越多同三少既第一次喇 ....
本來今次船P 我都無諗住去既 , 因三少要返工 , 我都唔想只得我一個去玩 , 但咁啱三少公司無電 , 做唔到生意我先有得去咋 ... 好開心呢 !!!
今日天氣好好呀 , 一早出發係西貢碼頭集合 , 我地一行有三十多人 ; 啲FD 癲o架 , 船P 都買咁多啤酒上船 , 但無酒清飲品就略為欠奉 ; 是次船 P, 三少帶左埋二奶去 (黎老闆) , 都無咩點理我 ....  , 三少又跳水 , 又玩WAKEBOARD , 好忙呀 !!
呢次我地兩個都玩到好攰 , 收左皮呀 !!
出上船前 , 三姐妹影張相先 , 呢次都係廿幾年黎第一次三姐妹去船P 呀 !!!
 
三少玩滑浪既英姿呀 !!!
竟然船P 都要玩十五二十 , 癲O架
最後黎返張大合照
|
2010 年 5 月 22 日 星期六  |
| ???? |
分類: 未分類 |
到底自己老公每星期出去飲一次酒 , 係咪太過份呢 ???
我唔想成日都為呢啲問題唔開心 .....
我更唔想由我把口講叫佢唔好去 ..... 可是他是不會自覺的 ....... 有算我講出口 , 作用都不大 .....
我老是叫他不要跟我作出任可承諾 .... 不要下巴輕輕 , 不要順口開河 ..... 我知他一定做不到 , 因不是第一次 , 第二次 ......
到底我應該點做 ???????????
|
2010 年 5 月 20 日 星期四  |
| 世上真的有這麼厚面皮的人 ...... |
分類: 未分類 |
點解呢個人咁厚面皮的 .... 其實我曾經也跟他是蠻好朋友的 , 可是在我結婚時 , 我看清楚他的人 。
以下是我跟他半年前的對話 : ------
R = 厚面的人 G = 我
R：你有無請呀边個呀 , 我費時老尷啦
G : 無呀 , 你黎啦
R : 但我未必黎到 , 因嗰晚可能有CLUBBING
G : 咁咪啱囉 , 飲完我嗰餐去玩
R : 唔啦 ...
G : 你可能有CLUBBING , 但我SURE 係嗰晚擺酒喎
R : UM ... 又未問有边個黎 , 同佢地又唔熟 (但我請的其他人 , 係佢仲識得耐過我)
R : 你仲好講 , 你唔結婚都唔揾我啦
G : 你揾我都得啦 ... 你唔會結婚既 , 咁你到時唔好揾我呀
R : 唔揾咪唔揾囉
G : 我唔想再同你講 , 費時影响我心情 , 你唔黎就人情都唔好做喇 .... (我現家後悔 , 蝕左張餅卡同利是 , 但得著係 , 睇清楚呢個人)
之後我CUT 左佢線 , 當時好嬲囉 , 佢個人咁唔識人情世故 , 我都費時同佢計較
但我結婚後 , 呢個咁既人仲好意思走黎問我借幾千蚊 , 話好快還返比我 , 話啲下個星期就返黎 , 我問佢: 你種出黎o架 , 有收成 ?? .... 當然我緊係無借比佢啦 , 我仲block 埋佢個msn 同facebook ...
但個幾月後 , 佢都未知衰 , 今日又開口問我借二千 , 我都係無理佢 .... 我仲諗緊好無唱佢 , 哈 ....
我唔想再遇到呢個人呀 !!!
|
| 2010 年 5 月 15 日 星期六 |
| 肥成 --- 加油呀 !!! |
分類: 未分類 |
今日我負責煲粥比肥成做 lunch, 回想返 , 我好似第一次煲粥比肥成食 , 但如果要係呢啲情況下煲比佢食 , 我情願佢食唔到我煲既粥 .... 不過佢只係食左兩啖 , 因為我1點才去到 , 佢太肚餓低下 , 食左醫院啲飯 , 但final 佢係叫我留低比佢晏食的 , 咁到好啲 , 仲怕佢覺得難食呀 !!!
探病期間 , 我老豆打黎問我有無中銀戶口 , 話佢fd 問佢借 600蚊喎 , 唉 , 咁你自己都無提款咭 , 又要麻煩啲囡先幫到人 , 何苦呢 .... 我都同佢講 , 我探緊細佬 , 都仲要係咁講 , 到底識唔識分輕重呀 .... 轉頭佢又打比我話有匯豐戶口 , 叫我過比佢 , 我忍唔住話 , 你個fd 咁大個人 , 600蚊都無 ? 係咁話會比返我 , 都唔係錢問題 , 係要搭上搭先幫到人就無謂啦 , 咁當然我係得把聲 , 最終都係有過比佢既 ... 請唔好再有下次 , please
因肥成前日比人撞親個腳架 , 痛到抽筋 , 佢個床位係正門口 , 舖床係舊式 , 又比較短同細 , 及隔離床個伯伯成日都好多人黎採佢 , 故當日 , 我地要求護士替肥成調床 ; 我大姐輕拍個護士長個膊頭 , 想同佢講 , 點不知佢竟然答 : "你唔好拍我膊頭先 , 仲有你調左唔代表唔會整親 " , 呢啲到底係咩態度 ... 好嬲囉 .... 咁我大姐答佢 "咁有得避免唔係應該做左先咩 , 咁做左都整親 , 咁咪我地抵死囉 " ... 跟住佢先話幫我地安排下 , 咁final 佢都有調到既 ..... 真係覺得馬嘉烈啲醫護人員囉
本來星期六約左人 , 故三少都約左人去食飯 ; 但因為我好唔開心 , 想佢陪我 , 故此 , 我都要求三少唔好去 , 可是我又覺得自己好自私 , final 咪叫佢照出去囉 ; 但我通想都係口不對心的 , 心在妄想我夫君會因我唔開心而留低陪我 , 但我真的是在妄想 , 佢當然係選擇左佢啲朋友啦 , 咁我唯有自己行街買野黎發洩我既鬱悶 , 最後我食左個雲南酸辣米線就返屋企了 ..... |
| 2010 年 5 月 14 日 星期五 |
| 心比昨天更痛 |
分類: 未分類 |
今日太多野做 , 趕唔到去探肥成 , 唯有打電話比屋企人問一下肥成既情況
一問下 , 知佢比啲醫院既工作人員撞親個腳架 , 痛到佢抽筋 , 痛到佢喊 , 遲遲啲手指都未能放鬆 , 啲醫護人員又無咩特別反應 , 只是打左支止痛針而己 , 媽同家姐就係咁係到幫肥成按摩 , 等佢可以放鬆返 , 其間啲護士仲話佢地做咩圍埋咁多人係度 ... 豈由此佢 ; 直至肥成啲朋友黎到 , 同佢傾下計 , 好不容易才分散下佢注意力先無咁痛咋 ....
夜晚返到屋企 , 我都忍唔住喊出黎 , 真係好心痛 , 好擔心 .... |
| 2010 年 5 月 13 日 星期四 |
好心痛 ....  |
分類: 未分類 |
今日午飯後 , 收到個電話就即刻係公司飛的士去瑪加烈醫院 , 因為我細佬整親隻腳 , 搭的士過去途中 , 我好驚 , 差啲喊出黎 , 唔知係咪我心急 , 我覺得個的士司機駕車開得好慢 ;
一落車 , 我即刻衝去急症室 , 詢問處又無人 , 好在細佬個工友覺得我係揾肥成 , 主動埋黎叫我 , 跟住警察就同我簡單咁交待一下意外的經過 , 跟住我就坐係度等 ... 等 ... 等 , 其間醫生出黎問過佢係點整親 , 但佢個工友又行開左 , 咁個警察就比啲相個醫生睇 , 係個用黎FIX 住兩個貨柜既鐵架跌落黎"紮"親 , 此時 , 醫生亦向我解釋肥成既傷勢 , 醫生話都幾嚴重 , 腳瓜同腳掌嗰個"交"甩左 , 骨都斷左 , 但個人係清醒 , 我聽到都好驚 , 覺得佢好痛 ........ 隔左陣 , 肥成推出黎 , 佢見到我叫左我聲家姐 (個样好痛苦) , 仲同我講對唔住 , 隨即我啲眼淚就係咁溜 (可能肥成覺得要我地擔心 , 故同我地講對唔住) , 佢好驚 , 伸隻手叫我地捉住佢 , 陪佢 , 之後推左佢上骨科 , 醫生睇完佢 , 就話要做手術 , 個骨科醫生向我地講解一下個情況 , 先首駁返好個"交" , 我好擔心真係要鋸左隻鋸 , 故急住問個醫生會否影响將來既靈活性 , 個醫生竟然答我 : 地基都未起好 , 你就諗起三十幾層樓 , 無可能的 (頂 , 洗唔洗咁串呀 ), 我都明佢地工作量大 , 會做到躁 , 但佢都無諒解下病人家屬既心情的 , 會否用其他方法黎講會令人舒服啲呀 .... 本來我都想問個手術要做幾耐 , 但都唔敢了見佢咁既態度 , 點知我叔走去問 , 結果緊係同我一样比人串啦 pooooooor .......
肥成係推入去做手術之前 , 佢痛到眼都睜唔大 , 佢用佢隻好大既手輕撫媽咪既面 , 又捉住我隻手 , 我知佢好驚 , 我只好安慰佢 , 叫佢唔洗驚 , 勇敢啲 , 同時亦要安慰我媽 , 叫她不用太擔心 , 有得做手術即有得醫 (呢句係三少安慰我的) ; 5:00pm 開始做手術 , 我地(爸 , 媽 , 筠 , 三家姐 , 我 , 妹) 留係醫院靜候 , 終於8:00pm 推返上黎喇 , 好在肥成唔係覺得好痛 , 可能麻醉藥未過 , 個衰仔仲話要攞個電話打比佢啲兄弟話佢無事 , 頂得住 ; 我都唔敢同佢講咁多野 , 想佢趁唔痛時 , 快啲瞓下 , 怕麻醉藥散左痛到瞓唔到 ;
本來想問下醫生個手術做成點 , 可惜個醫生都無跟埋上黎 , 唯有明早等醫生巡房再問一下 , 不過有個醫護人員都好好 , 幫佢照完 X 光後 , 話我地知個"交"駁得好正 ....
7:30PM 探病時間完了 , 但我地都留到8:00PM 才走 , 希望肥成可以瞓得著啦 !
直得一讚細妹今次好幫得手 , 佢明早會到醫院等醫生黎巡房 , 問一下手術後的情況 |
| 2010 年 5 月 12 日 星期三 |
| 第一次同三少食buffet .... |
分類: 未分類 |
今日第一次同三少食buffet , 因為有老闆呀 (別名暴發戶) ; 其實不嬲我係唔會去食buffet 的 , 因個收費同我個食量唔成正比 , 食唔返個本 , 唔抵呀嘛 ....
我地一行8人 , 去尖沙咀香格里拉kool cafe 食 , 好抵喎 , HKD398/head + 加一服務費 , 恒生白金咭仲有75折o添呀 , 佢抵到係discount 左先加一 , 即大概 HKD330/HEAD ; Buffet 時段由 6:30pm 到 9:30pm , 唉 , 6:30pm咁到 , 我同二少奶边有可能去到呀 , 故book 左 7:30pm , 但原來得 2 個鐘係唔夠食的 , 無時間回氣 , 唔可以食多輪 ; 本來諗住影多啲食物既相 , 點不知掛住食 , 只係影左幾幅咋
總括黎講 , 我覺得個buffet 好好食 ; 珍珠生蠔細細隻 , 我都食左成 9隻生蠔呀 ; 魚生就平時都食到 , 故只食左好小 ;
嗰度啲廚師好好笑 , 一經過就問你食咩 , 有咩幫到你 ???
case 1 : 若佢知你未食佢地既燒牛肉 , 就會話 : 吓 , 竟然連我地既燒牛肉都未食 , 快啲攞個碟黎啦 .....
case 2: 佢又向暴發戶推介"牛面豬登" , 係咁話好冧的 , 暴發戶話要兩佢 , 個廚師就話 , 咁細件兩個边夠呀 , 四個啦 ....
case 3: 我話啲燒蕃茄好好食呀 , 個廚師答我 , 係呀 , 有機o架嘛 ....
暴發戶食左成兩打生蠔呀 , 唔知佢係咪妄想想食返8個人既份量 , 唔洗咁蝕 , 點不知 , 趕住返屋企疴呀 , 哈
呢張相郁B 係攬住我的 .... 因係酒店高級地方 , 我唔比郁呀我三嬸 , 要叫我洋名GRACE 呀 ...
郁B 古靈精怪
全家福呀 !!!
郁B幾嬌俏 !!!
食之前影張相留念 .... |
« | 1 | 2 | 3 | 4 | 5 | »
|
