食住媽媽做既燕窩花膠糖水寫blog , 好甜呀 , 我好幸福呀 !!!!

我真係好幸福 , 有好好既屋企人 , 尤其係媽媽 , 有好可愛既外甥仔女 , 真係好愛佢地 , 又有個好好男朋友 (就黎係老公, 哈)

三少竟然同我講 , 佢自己好幸福 , 可以幫我晾衫同摺衫 , 雖然啲衫摺得唔太整齊 , 但都願意幫我做 , 我都覺得我自己好幸福呀 ; 到現時為止 , 都覺得自己無揾錯老公 , 太好了。雖然佢未正式向我求婚 (佢堅持係有o架, 但我覺得佢嬉皮笑臉) , 但他一句說話 , 我覺得好warm  "你都肯嫁我 , 我仲點會同你計" (嗰時講緊錢呀) ......

霎時感動 - 母親的晚飯 - 廖安麗

好多年輕人都會試過當媽媽打電話叫你回家吃飯的時候，總會用很多借口推搪，而且全部都大條道理，但當時你又有沒有想過媽媽的感受呢？
盈盈的爸爸在她年紀還少的時間就離開了她們，只有她跟媽媽相依為命。媽媽當夜更保安員，每晚上班前都會做好晚飯，跟盈盈吃過晚飯才上班。
當她讀上了中四之後都經常不回家吃飯。今晚盈盈早了點回家打算跟媽媽吃飯，誰知一回去，媽媽就罵她﹕「你常常不回來吃飯都不跟你計，昨晚叫你渴過湯再睡，怎麼你又不聽我話？」盈盈之後就跟她頂撞了幾句話，媽媽還說﹕「你這麼不喜歡回家，乾脆不要回來了，以後都不要回來﹗」盈盈一怒之下真的跑了出去，但她走了一會嗅到麵檔傳來了香味才發現自己身上原來什麼都沒有，沒有電話也沒有錢，只有站到麵檔門外看了又看，老闆娘看到盈盈就出來問她﹕「妹妹，想要食麵嗎？」盈盈不好意思地答﹕「是呀﹗不過我忘了帶錢…」老闆娘非常善良，端出了一碗熱騰騰的麵和菜出來請她吃，盈盈感到得哭了出來，邊哭邊說著﹕「謝謝你，我覺得非常感動，你只是一個陌生人，都待我這麼好，但是我媽媽…我不過頂接了她幾句，她就罵我，還趕了我出來，你說我不是很可憐嗎…」老闆娘聽罷就教訓她說﹕「你想一想，我只是給你煮了一碗麵給你就感動得要流淚，但你媽媽呢？給你做了十幾年飯菜給你吃，你又有沒有多謝過她？你還要跟她頂咀…」這個時候盈盈當場呆住了，立刻就放下筷子走回家。看到了媽媽緊張地站在門前等她回來，雖然飯菜都放冷了，但這一晚盈盈就跟媽媽吃了一頓溫馨又溫暖的晚飯。
很多時候我們都會因為別人的小恩惠而感激不盡，但對於父母的恩情我們又會覺得理所當然，視而不見，這個時候，各位年輕人你會否對你身邊的家人說聲多謝呢？﹗ 
 

http://realyoutube.blogspot.com/2009/03/25.html

我覺得真係好感動 , 希望每個人都感受到家人對自己愛既 , 珍惜眼前人 !!!!

當父母在世時 , 對他們好 , 孝順他們 , 你尚能感受到他們的喜悅 , 看到他們的笑容 ; 不然 , 人過世了 , 才後悔 , 盡管每天給他們燒冥鏹 , 大屋 , 又有意思嘛 , 你也不知道他們喜歡與否吧 ........

又係一年一度既拜山月呀 .... 我家家族好大 , 故每年清明都要拜三個地方

拜外公 , 嫲 , 仲有太公太婆 ; 今日去拜嫲 , 一如以往 , 要等成個半鐘先齊人 .... 唉 , 一年一次啫 , 唔可以守時啲咩

拜祭期間 , 我外甥仔好好笑 , 竟然攞住三支香同太嫲講話保佑佢釣到條大魚 , 真激死 !!!!

拜完嫲 , 媽話要睇延生位 (即將來過生時放骨灰盅既靈位), 成三萬八一個 , 要買兩個 ; 同佢一齊去做呢件事 , 個心好酸 , 佢再講出佢而家買定係驚睇時佢真係過左生, 我地唔識 , 要四圍撲 , 連呢啲佢都幫我地諗埋 , 聽完個心仲酸 , 差點想喊出黎 ...... 我真係好希望我媽每個仔女都會好鍚同好孝順佢同爸爸 ... 我都好希望每個人都明白咩叫 "樹慾靜而風不熄 , 子慾養時親不在 "

今日好攰呀, 因我同事出trip , 我要頂埋佢啲工作 , 做到眼又攰 , 腰骨又痛 , 好在安然渡過 。

基於要慳錢同埋我同三少都唔太喜歡出街食 , 故我地求其買啲野返屋企煮 ; 三少早收工過我 , 所以我叫左佢去買紅腸 , 但買唔到喎 , final 我地係食午餐 + 菜肉餃  + 太陽蛋 + 烏東面 ; 我一边煎蛋 , 三少就係另一边煮烏東 , 兩口子好幸福呢  ...... 食完佢仲自動自覺幫我洗碗 , 倒垃圾同晾衫呀 (其實係一齊做的), 實在太好了 , 我唔係嫁比個主人 , 佢都唔係娶個妹仔 

講開煮野食 , 記得有一次好好笑 ; 我煎緊蜜糖雞翼 , 佢就係另边煮面 , 其間我問佢覺唔覺得我好蝦碌 , 佢當然話唔覺啦 , 我又再問佢咁我大家姐呢 , 佢亦當然話唔覺啦 (點解我咁問 , 係因為我大家姐好喜歡留低電話係我媽屋企 , 就算提佢, 都會留低) ,  跟住我就向啲雞翼落蜜糖同黑椒 , 點不知 , 我掛住講 , 唔記得左個支黑椒個蓋係揭 , 好快咁扭開左個蓋 , 倒左成半支黑椒落啲雞翼到 , 三少即時話覺得我好蝦碌 , 我都認唔住狂笑 , 但都迫住要食晒佢 ........ 真蝦碌 ...... 哈哈

 今晚再繼續我既試晚裝同婚紗既schedule , 一間叫Charming Image 係尖沙咀百利的 , 呢間係我真真正正試上身的第三間 , 入過去睇的就己算唔到係第幾間了 

 今次有表哥同表嫂陪我去 (其實表嫂KATHY係我同事 , 全因佢我先認返個表哥 , 不過玩左成日先同佢相認 , 其後我仲同表哥傾左成世女都同佢傾過既計o添呀 , 哈 , 勁呀) .... 我一早就計劃定試完衫去新星打边爐呀 , 買一送一 , 超抵 , 食物質數又唔差 ;  但優惠期有限呀 , 只做 100天 , 去到三月尾

呢間晚裝租賃舖頭真的值得一讚 , 衫不但任試 , 且職員 JACK 就算我話試夠了 , 佢都不厭其煩再攞啲新款比我試 (我好趕呀 , 因試左差不多三個鐘 , 好肚餓呢 !!! 嘻 ) 其實就連唔係 serve 緊你既職員聽到我想要咩款 , 佢都會幫手揀比我試 , 實在太好了 , 真係抵佢地咁好生意 ,最後決定落訂

HKD4800 包婚紗 X 1 及晚裝 X 4 ---- (本來 HKD5080 , 我地循例都要講講價 , 呢個價錢都合理)                                                                                                                    

 好嘢 , 又搞掂多一樣嘢

 ** 因要決定落單才可影相 , 故只影到婚紗 ** 唔打緊 , 因有一次轉款機會 **  唉 , 要減肥呢 .....

呢個朋友仔其實係我住屋村時既隔離鄰舍 , 佢"嫁"左比佢老婆 , 去左美國洗美金 , 係費城定居 , 返黎幾次O架喇, 都約唔到食飯 , 今次再唔應約 , 佢實咒罵我 ...... terrible

我請佢食"上海菜 - 王加沙" , 佢請返我食滿記湯水 , 飽到我飛起 ; 席間我又一貫作風 , 雞啄唔斷 , 我fd 咪話我成隻雀仔咁吱吱喳喳囉

可惜 , 唔記得影合照呀 (我要影低佢個肥仔look 呀, 佢好似泵咁 , 賬得好快 , 頭細新大 , 哈)

今日早收工一個鐘 , 去睇結婚相 , 今次一行六人 , 都係有全程投入既 YO YO LAW 一家三口同伴郎小英表弟 (又好似助選團咁 )

揀相過程實在太搞笑了 , 都太失禮了 ; 個姐姐叫我揀相 , 我揀左50張 , 佢就埋位 , 開始講佢個"屈水計劃" , 哇 , 一開始佢話有三本相簿 , 什麼珍珠封面 , 特別排版咁, 但又唔包COATING , 防水防霉咁呀, 又要加框呀 , 真係層出不窮 , 務求令你覺得你之後加的價錢係十分合理 , 十分抵 , 此行為萬分商業 ; 三本相簿 , 但佢從來係無提及過有一本BASIC 的 , 唔洗加錢 , 當然 , 我緊係無為意啦 ; 好戲在後戲 , 姐姐說 : 小姐 , 你可以揀 $11,000 或 $12,000有以上兩本質素咁高 , 咁有品未既相簿 , 而且係包呢所有SOFT COPY 咁囉 ,  XXXXXXXXXX , 好抵O架

我見到呢兩個價 , 我都嚇到"O"左咀 , 我係度諗有咩可以唔要之際 , 我問三少咁點算呀 , 三少答我 , 點呀 , 咩都唔好要囉 , 唔好加囉 (一貫作風 , 態度輕佻), 此時 , 我覺得我好委屈 , 因我以為佢連一本相簿都唔要 (但佢諗住係要最BASIC 嗰本 , 但我唔記得左呢本喇) , 佢仲要話出去食支煙 , 我叫佢出左去就唔好返黎 (諗返 , 我都筧得我好兇) , 跟住我就忍唔住喊喇 , 失禮晒 , 其他人係呢個時候緊係迴避為妙啦 , 我要準備發炮喇  ... (講笑啫 , 边敢呀 , 我笠水) 。

另边廂 , 我既"助選團代表團-YOYO LAW"己係出面同姐姐講緊數, 叫佢平啲 , 哈 , 佢轉個頭入黎就話 $9000 , 我地當然緊係唔滿意啦 , 其時 , 我地再派出另一"助選團成員 - 伴郎小英表弟 " 去色誘個姐姐 , 佢地傾得好開心O架 , 但都係去到 8千多 ; 忽然有人話TIME OUT , 我仲意為佢地驚我肚餓 , 問我食唔食朱古力 , 等我仲話唔餓O添 , 原來係叫我出去針針佢 , 超爆笑 ......... 雙方一路爭持 , 7千多 , 5千多 , 我地都堅持唔妥協 , 最後我地叫佢$4000盡執 , 激死個姐姐 , YEAH

好在有助選團咋 , 個苛包先可保住名節咋 .... 仲搞到佢地成10點先有飯食 , 係度講聲真係唔該晒佢地

** 成個拍攝既洗費共 $12,000度 , 都OK既 , 但要六月尾啲相先送到黎

今日約左試新娘妝 , 係百利 - <<純美新娘 >>。 點解會揀呢間呢 , 係因為我睇過佢地啲"製成品" , 化出黎好自然, 好young, 正啱何車 , 故決定試試佢 ;

個靚女化妝師都幾靚女幾young , 佢好有心機化 , 我喜歡佢化得我對眼都幾sharp , 係個輪廓可以再削削佢 ; 佢mua 幫我試左幾個頭效果 , 都ok ; 化妝其間 , 都有啲walk in 經過話我個妝化得唔錯 , 故我final 都揀左佢 。

個package係包新娘 早+全晚 / 伴娘 / 新郎 (但講唔到價 , 但包頭飾及頸鍊)

三少同 YO YO LAW 都幾滿意個妝 ... 但又有人話個輪廓唔夠出 , 搞到我都有啲擔心 , 唯有到時同個mua 溝通下及靠ELAINE 同PINKY 跟跟佢啦 ... 無事o架 , 放心啦

終於到影相呢日喇 , 我地食埋早餐 , 10:30AM到己去到九龍塘 , 一去到 , 己有啲人準備好影相了 , 心想 , 哇 , 咩真係咁旺既 ....

攝影師話: 先影影樓 , 下午出去影外影 (大譚水壩) , 再返黎影影樓 

先著咗我揀嗰條前短後長既緍紗影園景同影樓先 , 諗住特別啲 , 但影出黎個效果嘛嘛地 ; 啲姐姐先幫我化妝 , 嘩 , 佢地以圖想整個假hair去我個頭到, 好似好leung 咁, 我好抗拒 , final  , 勉強都可以接受既

初初開始影時 , 由於唔習慣 , 真係唔知啲post 點擺 ... 好生硬

跟住下午 , 我換左套粉藍色既路背晚裝 (要帶nu-bra o架) , 啲姐姐著完 , 拉完個拉鍊就算 , 都唔幫你整下啲位有無走位咁 , 有啲求其 , 之後就出發去大譚水壩影外景 ; 有一part 係要帶頸巾同手套 , 扮落緊雪 , 個攝影師叫我扮凍 , 實在唔洗扮啦 , 真係好凍呀 .... 冷得我騰騰呀震呀, 真係凍到我入呀呀呀心呀 , 呀呀 ... 但最可惜係個水壩無水呀, 無咗個好型既氣勢呀 , 真係唔抵

終於影完外景喇 , 回程時 , 我同三少都頂唔住 , 要瞓瞓先 , 返到去補妝時 , 啲姐姐都睇得出我十分攰 , 但要加油呀 , 要再影埋其他studio 景先走得呀 , 七點半 ... 放人喇  ... yeah

23/2 有相睇

由於酒席有攝影禮券送 , 故要去book 時間影左佢 ; 本來諗住返大陸影的 , 我睇中間love-99 影得好靚的, 但又驚酒席當晚要擺門口個相框質素唔好 , 一望落去就知係大陸嘢 , 同埋咁既經濟 , 我又驚佢地摺鬼左 , 本身我對大陸啲嘢又無咩信心, 且要用左將coupon , 但France Bridal 又要加x加y 的費用 , 故我地覺得計起黎唔化算 , 最好決定加啲錢 , upgrade 個package 係France Bridal 到影 (1外景及影樓)

個package 約HKD8000