今朝諗住紅色..唉 又要返學~同喪源吹水~返到去~吹水~早讀 睇心靈雞湯~跟住歷史 得好少人聽書 我堅持!! geog 聽書~

小息 好灰呀 喪謙搞大左單野~唉 家陣邊個唔知呀..小喇叭 2堂中史 好眼訓呀. 小息 又係喪謙單野/.\

2堂英文~同旭仔坐 同我坐親既人都好專心聽書~哈 

lunch~食屎..買野食返去魚柳包堂食~未上堂已經食哂~ 上堂 周公~高丸玩水 旭仔都玩埋 我就濕哂 我張枱 又比高丸+工啦..後期係度聽歌.. 魚柳包玩野 要抄左野先走得 抄完比人 出面睇戲 牛濱又出手喇 哈

放學 小杰同喪謙返屋企先 我同馬仔 洋~落葵芳行 係m記坐 吹水 講返我d野~聽歌 影相~跟住佢2個都黎埋 過隔離間cafe坐 今次最型真係小杰杰 馬仔同洋飲lemon特飲 小杰飲『意式特濃咖啡』我就幫佢買啦 哈哈 杯野 5安士都唔知有冇呀!成班友勁笑佢-.- 今次第2個主角當然係趙賓州啦 勁爆笑 勁數臭佢 仲整埋歇後語~~

趙賓州~~見到就炆呀

跟住吹到6點幾 就走佬 去葵涌廣場睇gel 10蚊3枝迷你裝-.-買完試玩 跟住返去喇~~

返到去又係沖涼食飯~跟住聽下歌 跟住訓覺 2點起身做功課差唔多啦~

今朝5點都未到就起左身..做論文改正~夠靜呀嘛 做到6點半 訓返陣~跟住同喪源行返去~返到去~英文堂~就訓著~

小息 唔知搞咩 中文~周公好kai-.-小白仲kai~歷史..阿毛派卷嚕 18.5/60 係就係幾低下 但都好過小部份人..

小息 又唔知做咩 中史 又比太后剷 冇做書.. lunch 餐廳 冇嚕 完了.. 返上去 周公果班又去嚇人~勁膠-.-

2堂econ~超眼訓.....勁累....半死咁躺係張枱度.. 放學 栗子同蚊打排球-.- 喪謙果d又打埋~跟住睇藍球~愛社贏左 喪謙~9河~慶文不負我所望.. 跟住同振洋~高丸果d走先 洋走落葵芳 我返屋企...

返到去~食飯~沖涼 膠膠地咁望住個天.......突然就落左場狗屎..

5月2日 相信呢日對於x-japan既fans絕對唔會忘記 特別係鐘意hide既fans 因為呢日係8年前~佢係家中上吊自殺既日子..多得喪謙提我~我同翹..喪謙都不約而同地將msn頭像變做hide...一位日本第一結他手 為x-japan畫上一個完滿既句號..hide..真係一個謎 ..

今日勞動節..幾勞動下~8點起身~聽收音機 我就係為左聽海峰同阿澤既-----在晴朗的一天出發~幾好笑 打手機果d..阿澤就勁好笑..聽到十點~正式起身 開msn

阿貓話去唱k..神早冇咩野做~同佢去~佢又叫埋阿肥~跟住去葵興地鐵搵阿貓~去荃灣mtr既green box~一開左就2個人唱住先~中途好多人搵我-.-不外乎喪源~喪謙 財爺~都係打機 拖到好遲~阿肥黎埋~跟住係廁所撞到岑永駿~原來佢同膠瑋都黎唱k~跟住去佢間房睇下~佢地又黎我地度@@我同瑋唱無間道!幾好~唱到2點幾~去左影相~o~未影已經比喪謙x 影完3點幾 佢同肥財過左黎講數~貓同阿肥就走先~_~跟住請喪謙同財飲野~係呢度同3個大佬講聲對不起~~喪謙~肥財~希姐 累你地等左2粒幾鐘~_~ 今日我請食野..肥財同希一人一個芝士鮮奶撻~喪謙食包~

食完就打機 我同希姐想玩打鼓..太型!本來話跟機~我放左1蚊係度 希姐同我又淆底啦-.-走左去玩泡泡龍..比佢連炒6鋪..係機鋪撞到阿彬~好耐冇見佢 仲係金毛仔一條 ~跟住肥財又走左 同阿希搵左成間機鋪都搵唔到佢..搵埋廁所 見到牛濱~跟住阿希走嚕 陪佢去葵芳 係葵芳解散~行路返屋企

返到屋企 鞋都未除又落街買野..跟住同小杰~肥財果d傾電話 又打比周公同喪謙~傾到9點~沖涼 跟住就作論文!!

今朝訓到11點..食麵..電腦~聽歌 聽到點幾 睇賭俠1999..睇到3點幾~訓覺~

6點 喪源一個電話叫醒左我 話出荃灣..跟住沖埋個涼~食小小野 跟住潮吹又話累..出唔到 仲等我叫埋喪謙.. 最後都係冇出 成日係屋企度..唔係訓就聽歌 唔聽歌就睇電視....

膠上腦..................

琴晚 11點上床 聽收音機 架勢堂~聽聽下訓著左 一訓就訓到10點幾..起身食杯麵 懷念2年前 暑假..日日出前一丁..~o~

跟住家姐拎埋個bb女過黎~幾得意 同我玩親都笑 !!吼 我今年一定要升中5 屋企有2個人會有錢比我..話就話為左錢 查實另有目的..最後一年..見埋佢最後一面都好嘛..3點幾落去食野..上返屋企

5點再落大窩口~6點到左~今日有證..仲埋左齋~吼 下堂有野玩嚕..9點2換3走人 老人家講道理..凡事唔好睇表面..

跟住過葵芳搵喪源..去好好粥麵食排骨飯..冇野飲~30$ 細兜野~吹水 吹古龍小說~跟住係葵廣鳩行~去7仔食甜筒 係天橋撞到阿高..佢打波打到10點幾..食完甜筒行返屋企~係喪源樓下播d膠鈴聲-.-玩到11點~走佬 潮吹都冇去打機..多得我

返屋企..沖涼..聽歌..收音機        我發覺呢2個月個msn廢左 好似冇人add我 定係我冇add人呢 有幾日直情冇講野~_~