今日諗住朝早做剪報 但訓醒已經7點4..拿拿林走~樓下撞到狗哥同武哥~行2樓公園 水浸..勁膠 一下踩落去 濕哂...行到好似行山咁..12座搵埋喪源~

返到去~等左勁耐先開門~英文堂~悶~小息 傻強走左 幫seren bon仔 希買野食-.- 中文堂~listening 世史~我張枱又比高丸+左d野..   聽書  小息 栗子生日卡 幫佢寫下~ 中史~聽書 ham同mei拎話我少左講野 好多時都唔講野果類..一個字~唉 把口廢左 個腦又廢左 總之成個人廢左好多..

lunch~同康 財 蘇去東村食叉飯 12座食~食完飛的走 康驚濕頭-.- 返到去~勁膠 成班友係出面睇野~周公同阿牛係入面扮鬼嚇人-.-咸魚最膠..講咩都信 行過去比周公嚇到傻左 econ~kk王 又講野~

放學同杰 喪源問西史分 第1part 得7.5..康高我0.5 小杰10分~論文仲未得-.- 跟住同喪源 光叔去圖書館..佢睇武俠小說 我就睇太極..考試呀嘛..借完書行去葵芳~係葵廣鳩行左陣 喪謙又話要打機-0- 冇哂錢係身 同喪源行返左屋企先~途中見到呂幸明  照行

返到去~食飯~打日記~等8點到.. 睇下喪謙有咩搞

今日6點起身做newscutting~~7點幾去喪源樓下 佢未到 ..係度播endless rain 又落緊雨 幾合時..

上到去做埋感想 搞掂 英文堂~同傻強坐~傾下計仔~栗子生日~miss影相..又係電腦搞埋d野~ 小息食野

小白堂 開頭佢發左小小老皮~跟住又癲返~希姐哭了.. 旭仔被小白禁住黎玩...

p.e堂~太極..lunch..餐廳開餐..geog 釣魚..maths 同周公派膠..放學本來去學電腦整mc..但同阿貓去左睇波 同周公做旁述 勁膠 誠社對仁社 結果好似係46-29~全場最膠應該係趙賓州啦-.- 比西俊搶左個波仲膠下膠下咁.. 膠王..

放學~走佬 返屋企 沖涼 食飯 8點就訓左..

今日有人話我好唏噓..我明解..哈哈哈.....

今日既心情 同個天差唔多 唔算好 幾差下~個天落雨..代表我想喊 我同傻強一樣~收收埋埋~有唔開心野 邊個知呀?

講返今日 照同返喪源返學 raining.. 濕左小小~ 早讀 ~歷史 聽阿毛講書~geog~心情最差都可以叫呢堂..揀左條錯既路 同左牛濱果d一組 唔做野..雙手一推 比哂我同小ken.. 咁我可以點?? 既然選左呢條路 就行埋落去..

小息 冇野搞~中史~奶野啦~10個有9個都冇做論文..跟住太后派卷 話我有溫書..有2字頭算好..結果21.5分 a班2個合格-.-唉..又要補課..好狗

小息~周公玩野..拎我件衫比左呂幸明..咁我點呀?最後都有比返我.. 2堂英文 默書..做paper2 ~跟住落地下睇野

lunch~食屎~ 又係預左比人講.. 返到學校~都係咁過~maths 同周公坐 做論文..隻林狗係咁求我比筆記佢睇..點解要比你睇??高丸坐我位..佢就係咁畫我張枱..又係呂幸明.. 邊個知呀? 放學..比周公果d捉住..要我講3個字..唉 迫我冇用架 比d時間 仲要係咁多人面前..驚死冇人知 a班..唉 跟住同杰去教員室搵太后~比佢連屌..勁多人睇住..又要睇埋果d人作埋論文先走得 杰就彩佢都傻 走左 我同肥財去小食部坐.. 同謙坐左陣 又係講我.. 跟住等埋成龍作埋 就自己一個人行返去..

自從上左5樓之後  熱鬧左..但係我笑容減少左 係咪因為假期完左 少左同喪源 潮吹出去 少左吹水 定係..坐個位坐得唔舒服..還是因為1個女仔 近左..近左....

今日好早起身 6點就起 沖涼洗頭~同喪源走~ 早讀 -.-   地理堂~對卷~ 世史 講左小小就休息 阿毛話我好左小小  小息 同阿貓搵小白~ 英文堂 同周公坐=3=舒服幾多呀!!!! listening 好易~ 小息落去食野 馬仔好多咀-.- 見到呂幸明就... 食完就慢慢行上去 打左鐘就去埋廁所 因為魚柳上堂嘛=3= 係咁調位 最後周公坐後面 咸魚真係..好醒 智商3x-.- 跟住比周公畫紋身 3個字講哂~

lunch食屎~上返5樓 唉.......5層樓 pe堂點算?? 跟住周公~強強果d講下我 小杰杰又講下~咁我點呀?

2堂中文 1個字 膠 勁比小白串 又話超廢 ..最衰都係周公 拎我本中文書比小白睇!!!咁我點呀!!?? 家陣佢知 全世界邊個唔知呀? 跟住seren果邊個好低b 又拎成龍大哥黎玩~小杰面都紅埋~ha 無啦啦又比小白打左幾下 總之1個字 膠! 周公最掂 帶耳針比小白斷正 放學都走唔甩-.-

跟住同小杰杰 喪謙果d睇手球 睇到4點幾 同小杰 小ken出荃灣買pe3  跟住出哈迪斯 本來都唔多想去-.-既然ken ken想去 陪佢~途中同小杰談愛情~爆左d野比佢聽~跟住去到哈迪c 好似比萬8 芳姐見到-.-仲見到條仆街尊尼 死人地中海 幾想扑爆佢=o=跟住坐左一陣 就搭98走~

返到去 沖涼食飯 玩電腦~~~~下一步 中史論文.......

終於都玩完成個假期~同我玩得最多當然係喪源同潮吹~跟住就喪謙 其餘就西炳 西俊~~今日如常同喪源返學

早會 熱都嘔 仲要行上5樓 真係唔捨得2樓 行2步就到小食部~上到5樓 miss yan吹吹水 講下個board點整果d 講講下又講我果d-.-跟住就調位喇/o\ 我個位真係除左我隔離果d 其他真係唔捨得 希姐啦 雖然係幾傻 但幾可愛~馬仔都係~ 高丸同阿蚊 2個傻婆 後面隔離打過去既小杰杰 再有阿貓~周公/.\...咁多位好友~我走喇~ 跟住調左去..唉 又係張映霞..勁唔滿意 隔離有栗子 幾好 後面徐聰 成日串咀 周公 -.-  但我前面就係miss 好不滿 最後我坐左去陳希文隔離 起碼識講野 但隔離係張映霞 我唔調好過啦咁講 之前又有栗子 家陣好似唔洗出咀~ 我把咀就廢左~

跟住maths~派左..廢 夾埋先12分-.-小息 唉 5層樓 食野~

2堂econ 仲強唔派卷 自修 發脾4~同小康~katy果d玩~跟住小息 kai kai地咁過

歷史 周公坐我後面 我開金口喇=3=咸魚真係好傻-.-阿毛未改卷 冇派   跟住lunch 餐廳~~~ 地理堂 37分既地理卷 溫得唔通透.. 中文 44分 比小白串我由廢變好小小-.- 英文堂~on9 16分既卷 miss好鬼掂  話我個d寫得似o 冇左1分 蔡ki 旭仔幫口 冇用 豪比佢~放學 同小杰~喪謙~小ken~肥財~馬仔~幾個日昇坐 6點幾走人~

返到去食飯沖涼~8點就訓左~