暫且o吾講今日件事住，
回顧過去一星期先∼
星期二、三，
都係派卷，
成績麻麻，
大部分都進步左，
不過都有少部分退步左好多，
o矣．．．
我要加油牙！
第三學期如果拎o吾到頭三名，
我就日日溫書！！！
星期四，
放學幫手做攤位，
畫雀仔嘴都做到六點！
星期五，
係夏令，
家政件背心都未車過一條邊．．．
上次實習考試又整得核突，
好低分牙！
lunch去左大快活食飯，
本來自己又偏食，
叫左個節瓜xx飯，
點知賣晒，
逼於無奈是但叫左個粟米肉粒飯，
o矣．．．
我o吾食豬架，
o甘叫我點食o尼？
最後食左o吾夠三分一．．．
真係好浪費，
覺得自己好o吾應該牙！
之後個講座好豐富，
不過講墮胎好得人驚牙！
umm住對耳o吾想聽牙！
講座之後又要幫手做攤位，
等人修復好個黑臉琵鷺又要搬落黎，
好驚險！
等miss.lee都等左成個鐘！
然後又佈置攤位，
好煩！
又係六點先搞掂！
今日就精彩lu∼
今日九點返左學校，
見虹虹同ann佢地有得去中大，
心中一百個羨慕！
不過我都係上左去hall度預備個攤位，
點知老師要我到時第咪比邱騰華局長，
局長個眼神好嚴肅牙！
我地個雀仔攤位冇人幫襯，
因為d「遊戲」無聊o羅，
之後有個好多鬚o既嘉賓過左黎，
然後話：「好o拉！
我比個機會你地向我介紹o拉！」
好笑！
「比個機會我地」．．．
今日o個兩個小小小朋友好可愛牙！
然後扮蟹仔rap歌o個兩個小朋友都幾好笑！
之後d嘉賓走晒，
我地就可以食嘉賓食剩o既野o剌！
好似上年校慶o甘！
d野好精緻，
o個d炸洋蔥圈鍾智x o吾想食，
就倒晒比我，
話借黎擺住先喎！
o亨！
之後我同joyce上左安蔭買野食，
之後換番PE衫去個普通話大使領袖訓練日，
好低能o羅！
個李xx冇野搵野黎做！
玩埋d獎門人遊戲，
我地又串佢又o吾睬佢，
佢竟然用普通話講：
「到你們了！
你們剛才沒看別人玩，
現在看你們怎樣玩！」
乞人憎到死！
之後個傳話遊戲仲睇死我地組，
偏心蛋o個組，
梗係o拉！
貪人靚女o羅！
講得超慢，
但到我地組又講得超快，
所以我起勢串佢，
然後曾虹見我o甘激動又加入，
嚇到佢要講多次！
玩完之後又搞個茶點會，
不過見到個李xx冇晒胃口o羅！
虹虹同joyce就驚死蝕底，
真係食得o吾好o徙！
今日係無聊而緊迫o既一日！
我要努力做功課lu∼
拜拜！