我回來了!!!!!!各位

混蛋甲:咦咦,你去左邊黎呀??

我返左大陸呀!!

混蛋乙:那也沒有什麼特別吧..

特別啦.....我返黎之後打俾蕉..諗住拎返我d功課

之後先知原..原來蕉已經去左...

大陸....俾我見下你最後一面先走啦..

搞到我d功課唔知點喇

趙成木杉,假如你返黎

我會先送"禿頭",之後係"肥膏仔",接著是"#%*^&$",再來是........

呢幾日我唔係度,大家冇事丫嘛...

至於我呢...係大陸.....都幾悶....

頭2日都不停用電腦,

光是找那速成,都花了好幾小時

雖然那電腦又什麼雙核心,又三百幾GB ,好好用..

但也忘不了在港的各位..

直到第2日同第3日之後的那一場夢.....

混蛋丙:你.....遺了嗎?

屁!     我夢見自己係香港好正常既生活,夢左好耐...

混蛋丙:然後......遺了?

屁屁!!   我覺得自己其實一直係香港

誰料我一睜眼,我竟然仲係大陸

呢個時候,真係有d"Oh!My God!"同埋"unbelievable"的感覺

不過這都是太掛念香港既表現..

到我醒左之後..

真正掃墓既一日就開始囉..

果日八點起身..

之後又食飯又盛...搞左輪就出發..

我同4個屋企人去拜太爺個墓

好似之前去過,依架已經生左好多好多草..

碑上既碑文既顏色已經淡左好多..

所以我地要重新為碑文上油喇

知唔知點上油呢...

拿~墓碑上面既碑文係刻上去既..

所以所有碑文都係凹入既

而上油就係o係碑文上油顏色..

但係由於搽碑文既油係唔會甩色既.

所以你一旦唔小心油出界...你就喎呵囉..

至於我,當然冇失威啦...只係出左2次界姐..好少架啦....

從此以後,我太爺既墓碑就有我2撻傑作,并留傳後世...

之後輪到我呀爺..

有太爺做練習,所以今次進步神速

都係1撻姐....呀爺唔介意既..

話時話,果度唔單止草多,蟲都多

我明明著左鞋,但係點解我隻腳板咁多蚊爛

仲要淨係追住我腳板黎咬,其他地方一d事都冇

光是右腳板就有7個蚊爛...好痕呀~~

之後去餐廳食晏...

但係有d唔係好正常

第一度菜:好核突既花甲

第二度菜:好核突既螺

第三度菜:好核突既蟹

第四度菜:好核突既魚

第五度菜:另一種好核突既蟹

絕對好核突既海鮮宴呀!!!

最後我淨係食左一碟菜...

之後坐唔知有幾遠既遠房親戚既車

你知啦..大陸既車都有返咁上下.........勁架嘛

我坐7人房車中既尾位....

我明明見到條路平過飛機場.

佢都仲可以係咁震..

我見到條路稍為有點凹凸不平,

佢就真係震到媽媽爸爸,連旁邊既嬸嬸不認得

最勁我仲試過頭髮點車頂..

係車度,我望下風景,我發覺..

中國係一個洗腦之地

周圍都有正面既口號.

我見到什麼什麼"提高環保意識","不隨地吐痰"

仲有仲有,我好記得:"生男生女都一樣,女人也可傳後代"

另外,中國既A貨主意也相當離譜

呢~~咪有一個牌子好似叫"碗仔麵"

但我係一間士多入面有一個紙箱

上面寫住"X仔麵"(果然係冇呢個中文字,我想打都打唔到)

係"石死"仔麵..

就係咁,"死仔麵"就係大陸誕生啦!!!

我肯定如果佢係香港賣,仲唔發到變豬頭?!

最衰我手機冇電,如果唔係我一定影好多相俾各位睇....可惜囉