每一個圈子既形成,係基於這群人既某一個共同身份令d堆人聚首在一起.
言而身份只係一個start,其後,d班人可唔可能成為朋友...除左d個身份係睇下有冇咩野...可以collect到d班人.
好多時候,一個圈子入面,當堆人,因為習慣而相約出來見面,但係其實各自已有一個新圈子,d堆人再沒有共同語言...d種情況正正係"被推著走跟著生活流...各自有際遇作導遊"...面對d種情況,大家心知一切不如以前,卻又跟著習慣咁見面...有些人想抓緊與d個圈子既人最後既一點點….不過情況就像抓沙子既情況,愈抓...愈流失得快.  有些人跟從習慣與大家見面一兩次後,就覺得沒意思,慢慢消失在大家之中...又有些人,以間中出現的性質出現係大家面前……
其實,d個係必然既cycle. 每一個圈子都會經過...問題其實並唔係有冇共同語言...從來只係果個圈子既人,對你有幾重要...你可唔可以接受純粹為左果個圈子既人而hang on係果個圈子既習慣性見面?
我生命中有一個圈子,圈子既人聚聚散散,共同語言? 冇! 舊照舊物講到厭; 係D個圈子既所謂既新話題,可能係5句以下既近況, 又可能係新聞時事,上演中既電影. 係D個圈子中,每一個人都有充分既理由去唔見圈子中其他冇共同話題既人...不過相反...係D個圈子中,我感覺到既就係...出席D個圈子既活動,大家既目的都係200%為了圈子中既每一個人.
又有一個圈子,同樣係沒有共同話題,有既只係過往既共同回憶.有人走有人留.我係到問緊自己...我想走定留….係圈子中,真係每個人都令我想佢出現係我生命之中? 定只係其中幾個? 我真係只care 幾個人既死活,定其實每1個我都care? 我唔可能控制同估計圈子中既其他人care唔care, 我只可以自己確定自己既選擇,之後盡我所能去維持自己既狀態......
人與人之間,大家都係生命中既過客,想你生命中出現既人,係你生命中處於一個咩位置,係要相方既努力,感情D樣野,唔係只係愛情先需要經營,所有情感都要GA. 用時間同心思去照料你一下你身邊既人,抱怨既同時問下自己,你真係咁無辜,做晒自己可以做既野la 咩? 我可能知咁多野,朋友願意同我講,同埋我大部份時間唔say NO,唔係因為我真係咁好人, 只係我做人宗旨係...可以做既我做晒, 日後係好係壞,我都做了我可以做既..我唔會後悔,亦都唔會怨自己,如果當日我咁咁咁會唔會點點點...