好緊張呀!!聽日大家就會見到我有咩唔同,大家既反應會點呢?大家會覺得我點呢??好緊張呀!!!

其實我係一個好在意人地點睇我既人,可以係因為我個樣唔靚造成掛...

我都好想改變下,試下唔去介意人地點睇我,但係真係好好好難呀!!

唔知你地又會唔會呢?話比我知啦,我好想呀!!唔該啦!!!

除此之外,我仲覺得我好矛盾,一方面想改變自己,一方面又驚人地話我,唉~

仲有呀!我覺得起學校好似起社會到競爭,起班裡面,要時刻保持水準,如果唔係就會比人踢出去其他班。

另外,要保持水準之外,仲要同一d起班上,老師比較錫既人保持較好既關係,因為老師通常好信佢地。

我個班d成績比其他班好,所以壓力都較大,有咩做唔好,老師就會用踢你去其他班黎嚇你,搞到人心惶惶。

入得呢班就要預咗咁,老師仲話出年如無意外都係佢做班主任添!!!

不過佢都好錫我地,只要你乖,佢有時都會唔罰你既。

出年由佢做班主任都唔錯喔,連續兩年都由佢做,唔爭在做埋出年。