好開心，我終於中到she.com既試用了喇。
話說申請試用時，得亁性、中性同油性揀，
咁平時係有混合性揀，今次竟然無！我係唔知點算好下，揀左油性。

當我去到She到拎試用時，工作人員話我皮膚應該係中性的。
但因為申請時，我揀左油性，所以佢地預備左潔面泡泡比我。
工作人員重好好咁提我，我皮膚用完可能會有d亁，所以洗完面記得要好好保濕。

經過２星期既試用，我覺現Thursday Plantation星期四茶樹 - 茶樹油系列產品係好好用嫁。


星期四茶樹潔面泡泡( $89.9/ 150mL)。

雖然我係中性皮膚，但係我用完呢支茶樹潔面泡泡之後，完全無乾爭爭，亦無繃緊既感覺。
而且用後面部感覺清爽，出油情形少左。

因為呢支茶樹潔面泡泡係專for油性皮膚，所以我搵左我親愛既細佬一齊進行試用。
我細佬夏天一起身就成面油，真係勁誇張 (無呃大家)。

有日玩玩下電腦，我問佢：「你用左我比你個支洗面泡泡，有冇好到？」
佢：「真係好似出少左好多油。」
根據我既觀察，佢訓醒之後，再無出現油光滿面既情況了。(大家一齊拍掌，恭喜佢吧!)


清清楚楚地見到有效日期，最重要係樽身都印埋，咁就唔洗驚用左d過期野，會洗爛面了=)
我自己就會用一下泵既份量去洗，因為d泡泡好厚身，所以一下就足夠洗全面。


而且星期四茶樹潔面泡泡有５大特點，宜家咩都講健康，
大大隻字清楚列明無乜無物，咁你唔洗驚la !



星期四100% 純正茶樹油 ($68.9 /10mL)

呢支野既賣點係100%既茶樹油，所以消炎殺菌力特強。
但唔講真係唔知，100%茶樹油係可以用黎搽蚊叮蟲咬同傷口。
但我有用黎搽傷口同蚊咬，只係試左搽係暗瘡到。
至於功效點啦喎! 我先賣個關子 >u<


個咀好細，但其實好難倒出黎。
而且好難控制倒出黎既份量，我成日唔小心倒左好多出黎。
多左既就唔好晒野，搽係鼻亦位置，可以預防暗瘡同粉刺!



星期四茶樹油暗瘡治療o者喱 ($95.9 /25g)

呢支o者喱既賣點就係invisible treatment，姐係賣佢係透明色，出街都可以搽。
重係專for 口頭瘡同因M到至起既瘡。


話就話係透明白，但唧出黎係乳白色。好在推開之後，係透明色。
薄薄地搽一層就好喇，如果用量太多，會比人覺得你粒暗瘡油油地。



終於去到效果圖了！
點解岩先我話要賣個關子呢？
原因好簡單，就係我要介紹晒支茶樹油同gel~
因為我係2支同時使用，晚上同唔出街既時候就用100% 純正茶樹油，
出街既話，就用暗瘡治療o者喱。

好唔好彩地去食完韓燒，鼻頭就出瘡了＞＜
於是我就用茶樹油同o者喱。
第１日，暗瘡都重係含膿。
第２日，d膿消左，重有少少紅。
第３日，暗瘡拜拜了，重有好微紅印。(不過唔近睇既話，係見唔到嫁)

無錯，又係Chocola BB！
人紅就自然多人講，好野就自然多人用。



經過接近一個月既努力下，我巳經飲左２５日Chocola BB，
亦都寫到最後呢一篇文，可謂最辛苦的文，因為試一樣野，但要寫三篇文。
但見住Chocola BB既功力，辛苦都係值得。

口講就無憑，我宜家就拎d証據出黎比你睇！
拿拿拿，我真係好盡力每日都影抵做record，90%既樣都係晚上訓之前影既。
希望大家可以慢慢觀看=)


卡娃兒大使(上圖公仔)：幹嗎! 要迫人家看你的醜臉!
我：你錯喇，現在巳經是美美的臉。(怕羞中)

警告：小心地雷，多手按圖者，會有我的靚面彈出。





唔好意思，Day25 既白係象假，因為燈光問題，影到反白（=口="）


另一個唔好意思，就係一開始飲唔記得影我d毛孔比大家睇! (影左都嚇死人, 而且冇人話想睇lo)
堅料，一路飲就發現ｄ毛孔真係細左，宜家得返個幾粒毛孔仔，人都開心d。

有時好怕人地咁近距離同你講野，因為好怕人地見到你個鼻出晒油，
ｄ黑頭毛孔明顯到嚇親人。

宜家，近距離講野？無由怕啦！放人過黎XD

哈哈，今次好好笑，我係BL到有得試食糖，sweet!
係呀! 你冇聽錯，我真係要試食糖。
不過，此糖非同彼糖，因為呢盒糖係叫做『纖Q糖』

淨係睇個名就知呢粒糖，係同纖體瘦身有關係嫁啦。
呢款糖係台灣出產既，而且係當地係好暢銷的。
 
<<---借用網圖
今次試用係有草莓、鳳梨同葡萄味揀，３揀１試。

草莓野果風味(燃燒達人) → 愛吃零食甜食者適用
熱帶鳳梨味(澱粉切達人) → 喜愛甜食及米飯等澱粉類食物者適用
香檳葡萄味(超油切達人) → 喜好油炸及飲食較油膩者適用

醒目仔既大家，應該見到重有個代謝達人，可惜既係今次試用冇得揀呢款。


如果可以要晒就好喇，但事實上唔可以，所以我揀左香檳葡萄味既超油切達人。($98/30粒)
因為我都成日食埋d油炸野、快餐等等既野。
係台灣，大家係４款１次過食晒嫁！


大家都見到，每款食用數量都唔同，但大致上都係lunch同dinner前食。
咁樣計返，其實最抵食係香檳葡萄味既超油切達人。
因為１日都係食２粒，午晚餐前食。

食纖Q糖另一個好處就係，唔洗怕比人見到。
因為平時d纖體、油切都係丸仔款，成日好驚比人見到我食呢ｄ丸，
但纖Q糖個樣咁可愛，唔講人知，d人都只會以為你係食緊糖姐。

另一個好處就係，食糖唔洗用水送XD
你重可以好enjoy地慢慢搭下粒糖，真係同平時d糖一樣，只係冇咁甜姐。


第三個好處就係一粒都係31.5卡路里左右，而且脂肪低到就黎冇。



如果想知道更多，可以去台灣美妝專門店(CWB店、MK店)到睇。
又或者，上佢地既網頁到睇http://www.enid.com.hk/

草莓野果風味(燃燒達人) : http://www.enid.com.hk/Product/ProductDetails.aspx?product_id=534
熱帶鳳梨味(澱粉切達人) : http://www.enid.com.hk/Product/ProductDetails.aspx?product_id=536
香檳葡萄味(超油切達人) : http://www.enid.com.hk/Product/ProductDetails.aspx?product_id=535