Jane Wong - QOOZA BLOG 網上日誌

HakChunW : 個人主頁 - 相簿 - 訂閱 [ QOOZA - 論壇 - 登入 ]

HakChunW

暱稱： JaNe
性別：女

MORE...

最近沒有訪客

日誌統計

文章總數： 185

留言總數： 6

今日人氣： 2

累積人氣： 11158

站內搜尋

RSS 訂閱

2011 年 5 月 17 日星期二

L`Oreal Paris 全新水潤美白日霜	分類: 未分類
白色包裝巳經帶出"美白"重點了。唔知係我孤陋寡聞，定係我平時冇留意開呢？今次L`Oreal Paris 全新水潤美白日霜既包裝盒好詳細咁講解黑色素點形成，以及全新水潤美白日霜既作用，重要有埋圖書解釋！只係包裝盒巳經令我好欣賞呢件產品喇！不過我有一個問題想問：就係呢個係日霜，有美白同保濕功能，但係個包裝又冇話佢有防曬功能，咁我咪要搽day cream前再搽定防曬囉美中不足囉! 更多產品資料:http://www.theztyle.com/blog/space.php?uid=1406&do=blog&id=87179 拆開個盒之後，登登登登。。。主角出場好令既粉紅色！我以為係個玻璃瓶係粉紅色，點知一打開（圖二），原來d cream 係粉紅色呀，重要好香添！用完全新水潤美白日霜之後，明顯塊面有返光澤，同埋好有水份。但可能塊面太Dry，加上影相機抽左水大定係相到睇唔到我塊好有水感既面部肌膚了! 所以我用隻手再示範多一次! 效果十分明顯! 大家見唔見到last個張圖既before and after(可按圖放大)! 有好強烈既對比呢? 搽左全新水潤美白日霜既右面明顯好有水感! 所以，實驗証明呢個水潤美白日霜係好保濕的！優點 1) 好香而且粉紅色好令 2) 有美白同保濕功能 (保濕功能立即見水感既面部肌膚，美白功能要長期用先知有冇效=) 3) 親民價＄139/50mL (以具美白同保濕功能一身既日霜而言，咁既價位，真係好值得家一試) 4) 好易推開 5) 好快吸收 6) 用完唔會油，好清爽 (但有位sis試用文指出用完會笠，但我就冇呢個問題，咁真係因人而異喇！) 壞處 1) 沒防曬功能 (美白日霜竟然唔包防曬，太可惜了！可能L`Oreal 想大家用佢地新出既全效15防曬日霜) 2) 香味有可能為敏感肌帶來負荷 (好在我唔係敏感肌姐!) 後記: 我重中左L`Oreal Revitalift全效15防曬日霜SPF18 (50ml) ，但我未去拎！ L`Oreal 全效15防曬日霜 + L`Oreal 水潤美白日霜，應該是完美組合吧，哈哈! 等我拎到手再同大家分享！
發表時間：2011-05-17 08:06 PM [ 訪客留言(0) ] [ 編輯日誌 ] [ 分享至FACEBOOK ]

我的第１個分享會 ---- Kanebo Impress IC端正‧淨白美肌分享會後的試用篇

分類: 未分類

話咁快係分享會之後既5日喇，相信大家都好期我地既試用分享！
一開始就緊係要炫耀一下自己既試用文啦！(請不好打我XD)

襯大家岩岩入黎，我就比ｄ最悶既資料過你睇吧，唔好悶到暈呀，因為我既試用效果圖在後！
（註：取圖於官網http://www.impress-web.com/tw/ic/product/index.html）

登登登登

大家有冇發現到D野呢？

拿拿拿！你都入得黎喇，就好應該細心D睇我既文喇！
眼利既你應該發現明明有６件試用，點解呢個表，得５件試用品既資料既呢？
其實係因為我好日都唔化妝，所以係試用既第一日係冇用到Make off 嫁。
我好乖嫁，一早就整定上面個表，所以有關Make off既野就變左係第二日先整了。

為左令大家見識下Impree IC Make Off 既威力，我特地邀請左珍珍隻手黎示範一下！
珍珍其實係...我............個名，但我唔中意個blog名叫珍珍! chun2a奇奇怪怪咁幾好呀，你地話係唔係喇？

呢個Mask off 係油黎嫁，所以過程中係會油頭滿面，但係用布抹完之後就唔會油林林嫁喇！
重要有玫瑰花香，唔講重以為自己岩岩拍完玫瑰水。(整圖打漏左呢支野係$220/200mL)

落完妝之後就要用 Brightening Wash 洗下面了，用少少膏，加d水，就可以係到打起ｄ泡泡。
我自己係勁中意呢ｄ起到勁多泡泡既洗面產品，而且Impress IC 呢隻洗面d泡，撻左上面就好似d忌廉咁，好玩呢

洗完之後，塊面係白淨左，同埋我覺得係滑左，但唔會有亁真真/繃緊既感覺。
唔信既話，你試下其他人點講喇；又或者，你自己買黎試下喇！
其實我都未試過買＞＄５０既洗面膏，所以我絕對係一位節儉既好學生黎嫁（但快要畢業了＞＜）！

講左咁耐，大家一定好想知效果如果嫁喇，登登登登~~~去片！
由於第3日我發燒，請大家自動過濾我d暗瘡，毛孔等等既問題！

由於相機外借了! 因此，大家冇得睇今日既效果圖嫁！十分抱歉。

大家有冇覺得白左呀?
我自己就覺我d暗瘡印好似冇咁勁喇

喜歡的話，麻煩推一推，留下言，傾下計吧　＝）

如果大家對產品有興趣既話，可以坐言起行，拿拿聲飛去買嫁喇！
http://www.impress-web.com/tw/ic/product/index.html

專櫃:崇光(銅鑼灣),FACES(海港城海運大廈),西武(旺角朗豪坊,九龍酒店),永安百貨(彌敦道店)

一田百貨(沙田),千色(荃灣店),澳門新八百伴

查詢電話:(852) 28650978

發表時間：2011-05-17 08:06 PM [ 訪客留言(0) ] [ 編輯日誌 ] [ 分享至FACEBOOK ]

平日用既護膚品，到底皮膚吸收到幾多呢?

分類: 未分類

今日我去左試做Reenex試做CPS更生活膚療程!

利用由甘蔗提煉而成的CPS 水基酸，有效溶解老化角質層，
疏通毛孔；同時能促進肌膚新陳代謝，令肌膚回復28日更生週期；
並豐厚活性表皮層，提升保濕鎖水力，令肌膚回復水油平衡的健康狀態，
為健康肌膚打好基礎。配合獨有專利緩和因子Amphoteric Agent ，
能調和水基酸的滲透速度，令療程溫和不刺激，敏感肌膚亦適用。

今日幫我試做既係叫Kelly =)
佢首先同我講簡下公司野，皮膚野，同埋了解下我想要d咩!!
原來平日角質層太厚既話，會阻礙皮膚對護膚品既吸收！
正常係可以吸收到50-60%(我冇記錯的話)，
但厚角質層既皮膚，只可以吸收到5-10%

傾左一陣之後，就帶我去做皮膚分析喇！
分析完就可以開始療程了！

步驟如下:
1) 叫你睇睇e+自己d皮膚(完左可以compare), 開始基本既洗面
2) 搽左d 果酸係面上，test下會唔會對果酸有敏感
3) 對果酸冇敏感，就搽水基酸，等1-3mins
4) 噴鹼性既液體去中和返d酸
5) 再fu左塊濕左水既網，並以風扇仔吹（去cool down 塊面）
6) 比鏡你睇下做完個效果
7) 幫你搽返toner, cream, eye cream

嘩嘩嘩! 我覺得效果幾好~ d膚色均衡左，d暗瘡印都冇咁勁!

完左療程就緊係同你講下d plan! 原價一次係$730，學生重可以享有７折!
好吸引，但係我係學生哥，邊有咁多$去扮令令呀!
佢都話唔緊要，可以計下d plan比我睇睇，重可以用信用卡分期！
有24次，12次同6次既package買~
試用完即join重送多你1次添，學生又會送多1次。
到最後我緊係冇買la~~~哈哈！

之後佢就送左個暖包同１張試用卷比我～

發表時間：2011-05-17 08:05 PM [ 訪客留言(0) ] [ 編輯日誌 ] [ 分享至FACEBOOK ]

Oxygen 試用分享

分類: 未分類

係2011/01/24我終於上左TST Sense到拎Oxygen既試用產品!
1個紙袋入面有1本產品書仔+1個袋仔!
袋仔入面就有以上四件試用產品：洗面, 磨砂, 爽膚, 防曬

上圖: 岩岩起身，面珠泛紅，但面都未洗，就係為左用試用。

Milk Cleanser: 用完塊面唔會乾"僧僧"，都幾好用！

Exfoliant: 呢個我推介，因為我覺得好好用！
一開始我唔識用，就咁直接搽係面到磨，因為乾乾地好難推開。
之後，我就加左少少水，就好易推開。
磨既時候係感覺到有ｄ好細好細粒既砂，但用眼係見唔到一粒粒既砂，
而且d砂既密度都幾高!
當過完水之後，塊面同額頭明顯滑左好多同白左dd。(開心中)

Gel Toner: 呢個我一打開見到藍色好鍾意，同時諗起我用緊既12杯水(都係gel狀)。
呢個gel好好用! 我平時用toner會用化妝棉搽，年中都唔知有幾多toner比化妝棉食左!
但係用手直接拍上去又會係咁洗晒落隻手到><
呢個比我平日用既12杯水好用，因為gel toner好快就被皮膚吸收到。
而且我覺得呢個gel toner 都ok補濕，搽完塊面即刻冇咁dry !

Total SPF Sun Protection: SPF30度防曬相當不錯，而且有香味（非人造香料）。
但最可惜既係：我搽完之後覺得有ｄ油油地，特別係額頭位置，有油光

發表時間：2011-05-17 08:04 PM [ 訪客留言(0) ] [ 編輯日誌 ] [ 分享至FACEBOOK ]

你的嘴巴也要Vitamin了!	分類: 未分類
琴晚去左萬寧睇潤唇膏﹐比一款有維他命C既潤唇膏(~$34)吸引住。之後再睇睇﹐同一牌子有個優惠莊($45.9)啵! 嘩! 抵過只買一支啦。於是帶佢地返屋企了~ 上面個支: 銀色with Vitamin E 下面個支: 金色with Vitamin C + E 兩支都有比男友試! 佢話金色個支既質地滑D~ 睇下個包裝﹐OK嫁﹐都幾高級咁! **2支都冇特別既味道的。唔知大家見唔見到金色個支﹐白色膏中間有達橙橙地色﹐ 我諗應該1個係Vitamin C﹐1個係Vitamin E。唔講咁多喇﹐要搽上個咀喇! 未搽係勁dry的! 搽完金色個支﹐有返晒光澤喇!
發表時間：2011-05-17 08:03 PM [ 訪客留言(0) ] [ 編輯日誌 ] [ 分享至FACEBOOK ]

« | 28 | 29 | 30 | 31 | 32 | 33 | 34 | 35 | 36 | 37 | »