happypy對眼睫毛既認知,
從來只係夾吓眼睫毛, 塗吓塗睫毛液,
終極認知都只係"痴"假睫毛"
但原來呢個世界上有一樣東西叫 - "植眼睫毛" (eyelash designing)
唔知大家聽過未呢?
原來日本女生好中意植眼睫毛架,
因為效果比"痴"假睫毛來得方便又自然~
happypy覺得呢樣野簡直係一個好偉大既發明黎~
有左佢, 女生們唔洗再花大量時間將假睫毛貼貼除除
植完後, 效果又自然, 眼睛即時變左太陽花, 大左幾十倍!!
做一次, 仲可last到三星期添~
今次好開心受到邀請,
可以試到來自日本的Kesalan Patharan 植睫毛技術
原來KP係年前在日本為首個化妝品牌推出日式種植眼睫毛服務~
亦係全港首家提供專業日式種植眼睫毛服務的品牌~
好期待 *v*
happypy準時來到中環的KP店,
進行eyelash designing~
原來kp 和covermark係同一個集團~
入到去, 靚靚ba姐姐招呼happypy坐下
便開始講解和介紹今次植睫毛的細節~
ba姐姐為happypy端來幾款唔同既效型俾happypy參考
但由於happypy係第一次做, 心大心細
想做誇張小小, 又恐怕嚇親老闆同事
做平凡d, 又怕冇效果睇, 白白浪費了咁好的機會
所以專業既ba姐姐為happypy揀左效型(1) 自然美睫
呢個係好啱本身對眼比較圓大既happpypy~
但如果for一啲 本身對眼比較長型d既女生
則可以揀效型(2) - 可愛動人型~
揀好效型後
ba 姐姐仲好詳細咁問happypy 想怎樣植
好細心咁分折happypy既眼型, 睇吓有冇眼尾下垂等等~~
選睫毛長度了~
客人可以揀選係個別既位置eg眼尾加d長一些既睫毛,
又或者係眼球中間位置加密一些等等~
而KP又會根據唔同長度既睫毛分門別類, 各自有唔同既號碼
咁客人就可以清楚見到邊款啱自己
植上適合自己長度不一, 密度不一的睫毛
真係好pro!!!!
真係冇諗過眼睫毛都咁多學問~
專業既ba姐姐發現happypy右眼角既睫毛有一部份"崩"左
要補番個缺口
所以今次happypy全權由ba 姐姐做決定呢~
揀好左之後, ba姐姐就同happypy搭lift上去美容房
正式開始了~
原來今次要植2個小時
植完後要等4個小時才可洗面
再了解吓一些細節就開始~
ba先幫happypy落眼妝
佢係幫happypy"逐條逐條"睫毛抺乾淨
好細心!
仲一啲都唔痛~
清潔完後, 再將保濕眼膜鋪係happypy眼眶,
咁就可以防止膠水痴係下眼睫毛~
亦可滋潤眼周細嫩皮膚~
來了來了~
ba 為happypy 揀左適合既眼睫毛
原來係一條真的眼睫毛痴一條假的~
咁個效果就會好自然好濃密~
美容房既環境太過舒服
開頭happypy都可以不停問ba問題
但問問吓. happypy不知不覺舒服得zzz着左
因為植既過程一啲都唔痛
係完全冇感覺~
係完全不被騷擾既情況
happypy 竟然zzz左2個小時!!!!
直至ba 植好後用吹風器用凍風吹happypy
happypy先醒過來~
原來用凍風可以穏定睫毛造型
亦可以令睫毛更翹
咁一個好似洋娃娃咁纖長捲曲的動人美睫就大功告成la!
happypy急不及待睇吓效果如何..
wa...叫左出黎
效果真係好好,
對眼好似太陽花
大左n咁多十倍!!!
好.滿.意.呀!!!!!!
ba姐姐笑容滿面咁陪happypy落番地下
再仔細咁審視吓有冇不足之處
但happypy真係太過開心
係咁不停咁照鏡
真係唔好意思呢~
臨走時, ba姐姐提番做完睫毛後既基本護理
- 植睫毛後4小時內避免與水接觸
- 48小時內不可游水, 焗桑拿or 進行面部護理
- 植眼睫毛後不應使用睫毛鉗夾睫毛, 電染已植之睫毛, 否則假睫毛容易墜落
- 不要使用眼睫毛膏, 睫毛膏會令黏合劑溶化
- 需注意洗面, 洗眼及作眼卸粧時需要小心, 不要用力抺眼
- 請勿自行用手拉扯及拔除任何鬆脫的纖維睫毛
- 使用非油性, 非乳脂狀的清潔劑去除化妝品
- 成熟睫毛會因新陳代謝而連已植之睫毛自然脫落, 此屬正常現象
完成日式種植眼睫毛服務後
happypy被獲贈2款KP 產品
分別係 Cleanse Cleanse for Eyelash Designing & 眉擦
Cleanse Cleanse for Eyelash Designing
係非油性, 非乳脂狀既清潔劑
所以有效去除眼妝
而且係專為植完眼睫毛既sis 而設
紫銀色既樽身配合lace 既花紋
made in Japan
一支145ml
可以全面使用
透明既卸妝油, 以"C"字型由上眼瞼開始出法
由眼頭開始向後推向眼尾
再由下眼尾推向前眼頭
形成一個"C"字型形
無需等卸妝油乳化
直接用水洗乾淨就可以
之後唔需要用任何cleanser 再洗面
happypy覺得卸妝油同一般既cleansing oil唔同
因為係非油性既, 而且潔力強
觸感同cleansing oil一樣, 油油的
但遇水後就油膩感覺就會消失
變得清爽, 可以徹底卸除眼妝
Cleanse Cleanse for Eyelash Designing性質溫和
用後皮膚唔會覺得乾燥又或者繃緊
Screw Brush 眉擦 (HK$160)
眉擦係尼龍質地
螺旋形擦頭適合梳理眼睫毛及眉毛
整埋眉毛及帶走凝結既睫毛膏
happypy使用完Cleanse Cleanse for Eyelash Designing
眼睫毛就變得有凌亂
係呢個時候就用Screw Brush 將眼睫毛掃開
眉擦軟硬適中
用正常既力度掃開睫眼,
太陽花眼就重現喇~
用前睫毛有d凌亂
唔夠整齊
用咗眉擦後
睫毛就變得根根分明
真係好好用呀
眉擦除咗可以掃眼睫毛
仲可以係搽完眉粉後
掃開顏色令眉毛色澤變得自然
大家如果想擁有好似happypy一樣既太陽花眼仔
就快d打電話去Kesalan Patharan 查詢
電話:3607-9684
|
