|
雖然最近大環境下, 個個都唔太開心, 但希望大家都能夠挺起胸膛,緊守崗位, 明天一定更好的~~
咁啱最近同我最老友既同事, 拍板今年年尾拉埋佢, 見係屋企冇咩野做, 所以就陪下佢去睇婚宴場地, 順便都幫幫眼, 比下意見咁~
閨蜜同事唔算大堆頭家族, 約莫預算都係擺十零圍左右, 佢同未來老公仔心目中想揾個場地Warm啲Cozy啲, 希望請到最親最親既親戚朋友同事一齊黎好好食番餐咁, 所以佢地都Prfer 細場, 但唔想有太多柱位, 理想係每個位置都能夠睇到台上, 一齊玩, 一齊互動~
我地去左觀塘一個婚宴場地, 呢個都係佢心水選擇之一, 因為我地好多同事都係呢個集團旗下既婚宴場地擺酒, 價錢適中、食物都得體, 所以都好推介佢黎睇睇~
去到現場剛啱場地有booth 做新娘化妝示範, 見到個新娘都化得好靚, 睇左一陣就又攞左啲單張番去研究, 一站式其實幾方便新人參考~
呢個場一入到去就好舒服! 可能係近海濱長廊既闗係, 環境舒服又寧靜,
落地大玻璃令到成個場地都又光猛又柔和, 我相信夜間擺酒, 環境都一樣咁靚!
個舞台都唔錯呀, 大細啱啱好, 一對新人仲可以係度見證簽字, 成個氣氛佈置都覺得又莊嚴又神聖,
但又唔會好嚴肅咁, 小倆口再加雙方家長+見證人就啱啱好啦~
仲要讚下啲佈置, 全部都令人覺得好温馨又舒服, 我特別中意角落既小花呀
呢啲小花真係好襯成個場地, 令到環境氣氛更加柔和、更加舒服~
5層結婚疍糕! 夠氣勢又唔會太誇張~ (笑)
天花板既燈罩成鳥籠形狀, 入面放左好靚既水晶燈, 光線充足又唔會太光, 配合玻璃窗影射入黎既光線同美景, 一流!
台下有足夠位置擺"登" 比在場人仕一齊見證神聖一刻, 目測都可以擺到幾十張!
咁就唔洗驚唔夠位比朋友親戚坐啦~
不論係台上的小用品如羽毛筆, 墊等都好靚! 每張"登"都有靚靚既花花椅布套住,
令到成個台望落去好甜蜜又諧和!
呢個場完全無柱位, 真心唔錯呀!起碼比起某啲酒店同酒樓好啦~ 數一數原來可以擺到約28圍,
仲可以容納到二百幾人坐, 普通人家其實都好夠擺啦其實~
呢度仲有免費專車接送賓客來場地, 咁就可以安排得更好, 你都知啦, 親戚朋友多,
有時要佢地周車勞動黎飲都唔係幾好意思~
另外呢度仲有大音响同Projectors, 仲可以多面咁開添, 咁就可以增加現場立體感,
令到氣氛更加濃厚了~
主家席用左鮮紅色, 感覺瑰麗又唔會顯俗氣! 另外佢地啲碗筷同埋桌面擺設都睇得出落足心機,
顏色感覺協調大方, 成個場都洋溢着浪漫又富氣派既感覺,
個人就好中意啦~
臨走前當然要睇下佢地新娘房, 一推開門, 嘩! 真心大呀, 呢度估計都有2-300呎,
入面簡簡單單但就一應俱全!
有齊梳妝枱, 梳化、夾萬、風筒、熨斗, 咁新娘同姐妹們就可以係度舒舒服服咁換衫轉妝,
另外呢度仲有個相連套廁, 好窩心既設計呢~
初步睇完場後, 閨蜜同事十個滿意, 初步問staff 卜左個期, 下星期會再同未來老公仔過黎睇酒席果啲, 真心替佢開心呢~
Congratulations My Dear!!!
|
