今日無咩髮型野想講，反而係想講下工作，一向都有為梁奕倫先生(雖然熟, 都要禮貌既梁生)做hair-styling。佢份人一向都認真，而且都幾貪靚，唔係都唔搵我啦，講番先，事發當日就係同阿梁生去蘋果影相，本來應該好快，結果一等就幾個鐘，點解？就係因為梁生手上的一碗飯，需知蘋果個位置都幾...遠，附近亦冇咩大食店，於是為了一碗賣相好的叉飯，竟然一等幾個鐘，難得梁生堅持要用呢一碗，「好食嘛！」佢話，等左咁耐，碗飯又真係特別好食！哈哈哈...

anyway，其實都好enjoy同梁生既工作，因為佢真係好多野share，人生，要有風浪，才說得上是人生。

三千煩惱絲，真係愈多就愈多野諗，一剪頭髮就要諗點剪，愈多頭髮愈難諗，但愈難既野就好玩。

上年dark style仍然當道，個個都話染黑拉直，加埋黑衫黑褲，可以話冇得錯，但真係好悶喇，所以你今年問我呢？我一定叫你大改...

唔使剪短，不過要做下color同電一電佢，但要記住，紅綠紫都唔好再做，要做啞身既棕色，電亦唔好電得太勁，要鬆身，一兩個波浪仔已經夠哂。

好簡單真係好簡單，唔好搞咁多野！