剛剛先起身...尋日出左去倒數,多人到爆,玩到成6:00先返home....
不過尋日既節目真係好豐富,哈哈~
朝早11:00幾起身,食埋野,約左peggie一齊去元朗睇基仔,因為基仔今日有<星戰>簽名會,好耐冇耐見基仔喇,仲俾我見返第一次出Function識既Cathy~
跟住上到台俾隻碟基仔,我問佢可唔可以o係隻碟度寫生日快樂,佢開頭都唔肯既,跟住我就話: 基仔,我生日呀,幫我寫啦,基仔就話: 下,剩係寫生日快樂得喇?唔駛簽名呀? 之後佢簽完佢個名就寫左句生日快樂了,仲叫我唔好同人講添,哈哈,最後我仲問佢,可唔可以同佢握手,佢都有求必應,yeah~勁開心~
同peggie食完野出黎,又撞到基仔準備走,咁我又再一次跟佢喇....好耐冇試過咁喇....顛左咁....
見完基仔,就同peggie一齊出左MK,行到7:30,就搵埋亞介,Laura,da,kidd,溫,去唱K,都幾開心,後尾Virgin,大師兄都黎左,不過埋單就真係貴左D,而且D野食又麻麻地.....
唱到11:00,我地join埋mo,沖一齊去尖沙咀,但多人到爆,完全行唔到咁滯....2006年黎左都唔知,見d人嗌,我地又嗌咁姐,不過都幾high~我地仲o係06年黎之前影左幾張大合照,新既一年,希望有個新既開始~
之後我地就去左蘭桂芳飲野,又係超多人,飲左2枝酒,hea左陣,大家就決定返屯門先再飲...搭左好漫長既地鐵&西鐵先返到....顛架?
之後再買野飲,飲到成6:00先返home...大覺訓!!!
我既新年願望希望o係新既一年真係會實現吧~
今晚做叱吒,希望基仔繼續拎男歌手金獎啦~我有預感繼續會係基仔拎,哈哈 |
