唉,依幾日都上唔到黎,麻Q煩,如果日記唔可以日日寫既,咁駛鬼叫您做日記啊...

尋日開始作病,我個人覺得最大既原因一定係Patrick....因為上IBA堂時佢開大個死人冷氣,真係多得佢唔少...再加上我屋企個細B--波波佢尋晚半夜發高燒,喊到死死下...見到佢都慘,而且攪到都冇覺好訓....

今日上完IBA時去左搵Patrick拎返份功課...但佢竟然話即使我交左份功課,但都會有機會肥佬...我即刻down左一半...但不過之後我問佢如果就咁份功課幾多分,佢話都可以拎到B or B-....即刻冇咁down,算係咁啦,用兩日時間咋...不過咁就緊係唔好肥我啦....

拎完份野,就去左睇IBA Project D野...睇走一陣就死左返屋企...冇錯,真係死下死下咁返屋企...病到死,又Wing Wing地....唉,點解早唔病,遲唔病,係都要而家依個時候wor...下星期有兩個Quiz...又要交project...真係得閒死唔得閒病啊....希望自己快d好返...

到底付出左,係咪即係代表您唔洗旨意可以收返返黎呢...

因為我覺得每個人都只會靠對您一直既印象,靠您以前一直累積落黎事而對您暗地裡幫您作左評價...但係咪每個人都只會睇表面呢?如果自己待遇唔好,條件唔好,咁又係咪只可以怨天尤人呢?但相反,唔去怨天尤人的話,又有D咩方法可以令自己好過D呢?

見到自己身邊既人o係度不斷進步,而自己就只o係度原地踏步,到底我將來可以做D咩呢?一年後既今日我又會係點呢?

今日上堂Patrick叫我地諗下自己有d咩強項係比其他同學優勝,當時我就諗,諗左一陣,到依一刻為止,都重未諗到....到底我o係LIFE度學到D咩呢?又可能係學到自己有咩係輸洩俾人掛...

<<越來越 超出意料 幾多錯了 然後方知我緲小
     甚麼都想要 愛令我累到醒了 越明白 得失奧妙
     怎可每日還在困擾 春邊的鳥 依稀的叫 不想了 >>

 唔知點解,今日突然之間想開個日記打下...

可能最近對於我黎講,發生左太多事喇...心情亦不太好,打打日記宣洩下都好既...

好多野係您既就您既,唔係您既您點都強求唔到...點解我身邊大部分既人都係''對人唔對事''既呢...即使您有咩''料'',只要係出自您自己把口,人地都一定唔會buy囉...到底自己真係冇料到定點呢?!

自信心已經跌到新低點了...點解自己好似咩都輸洩俾人咁?點解您越想去做好d,反而會力不從心....越做越衰咁?!

以前既我並都唔係咁架?!到底係自己有問題定點呀,真係好想知道啊..

神: 請給我回音 你可不可轉身 
      情關得不到你相助 誰又肯被我觸摸 
      僧人都不喜愛我 神你不歡喜我迫我入了魔
      愛侶幾百萬 誰料我蠢得竟可重覆去犯錯

但希望係自己有問題好D,至少唔會令到自己覺得依個世界上咁唔公平...

希望只係自己未夠班啦....