今日係勁無聊地過囉,但今朝o係我身上發生左一件好奇怪既事,事緣係咁既: 今朝媽媽因為要去接沚齊,要我留意住熟睡中既波波,如果佢起身就叫我過去佢間房睇住佢...咁我都好敷衍咁應左媽媽....而自己就繼續搵周公..期間發左幾個夢...都係關於波波訓醒左冇人理既,而且我都醒左好幾次,之後再過左一陣,突然有把男人聲好大聲o係我耳邊叫我:起身呀..咁我就扎醒左....果陣時自己都冇咩野,因為我成日發d夢都好真實,咁我就落左床去睇下波波醒左未..點知一開隔離房既房門時,亞波波佢就剛剛醒左..真係睇住佢剛剛訓醒起身...咁橋既又會?如果唔係有把聲叫我,我都未必知醒去睇住波波啊...

跟住下晝媽媽要同沚齊去醫院照X光,我就同波波兩條友O係屋企Lu,唉,佢地一日到黑都睇<多啦A夢>,都識背咁滯...咁我就趁波波佢睇電視睇到訓著既時候,我就死左去溫英文,一陣仲要繼續,因為仲有都好多未溫....

頭先打左返公司請聽日既假,亞娟佢真係超好人,成日都就哂我D時間, 邊有份工咁好,人工又好,一星期只返一日既工Wor..亞娟要我返星期三or星期五,我都冇托佢手爭,而且佢仲問我怕唔怕返得多,影響到我d功課呀上堂呀咁...邊有d經理咁好架...不過最近收到風,話實惠可能要開源節流,部分冇傢俬部既鋪都要摺埋啊,咁友愛果間一定會摺囉...其實覺得自己好好彩架喇,一入去做就做間冇咩野做既,而且d人又對自己好好,又冇傢俬部,又近自己,地方雖然唔大,但查實真係做少好多好多野,好多一齊Training既其他fd,佢地都好羨慕我入左一間細鋪,至少唔洗好似佢地做到成隻野咁wor...哈哈

唉,頭先我食食下飯突然問媽媽:我個頭真係好核突呀!!跟住佢竟然話:唔係呀,已經好過尋日架喇,您尋日個頭仲衰啦,成隻貴婦狗咁...啊~~我即刻唔知講d咩好囉....唉..天啊,我以後都唔會再去果間咁既死人Fixup喇,如果係再去,都唔會再搵返果個GARY囉....

今日十一點幾起身,同媽媽佢地去左食野,佢地就出左去探亞嫲,而我就去左電頭髮...唉.....我一點鐘去,差不多成7點先去得...,亞彤佢三點鐘黎,因為佢係剩剪,so遲d先去搵我,但佢都等左我好耐啊,sorry啊,怪就怪d人手腳出奇地慢啦...而且唔知重咩對眼今日成日都好痛,個頭又痛,又鼻塞...重要我坐六個鐘...但出黎個頭竟異常核突..好鬆囉,重差不多剪短哂我留左咁多年既頭髮...我都唔係想咁剪,我想剪返果時o係日本整果個頭,o係hk我整咁多次都整唔返,而且個個都覺得我果時返黎個頭係最好睇...唉...天啊,我點見人啊,成個師奶咁....好想快d長返啊...

不過我o係依六個鐘入面睇左''神經俠侶'',又出奇地好睇wor,吳鎮宇做得好好,Eason都幾攪笑...依個都算係今日最大既收穫黎既..

一陣重要溫英文quiz...死得..又未病好,但如果今次quiz再肥,就死啦,好忟囉d成績...奸爸爹先...但摸一摸自己個頭就心都痛埋...

今日十二點幾就死左起身...其實係病到有d呼吸困難,喉嚨又痛...所以先起身...之後就約左DaDa佢地出去做Project..wing 下wing下咁出去...

出到去傾到差不多五點幾,原本都打算同DaDa佢地去睇戲...但媽媽佢打電話黎問我去唔去buy電話,(ps: 我部電話n820俾人老笠左N世,偷我電話既粉人一定不得好死...),咁於是就約埋加姐一齊去左睇電話...唉..冇得去睇戲Tim,不過好彩dada佢地係睇''變相怪B''姐...因為我想睇''哈爾''多D...我一日到黑屋企都有兩件''變相怪B''啦,駛咩去戲院睇Wor...哈哈

最後我打算buy依個k700i,雖然部機好似out左dd,但加姐話d function同s700i差不多...於是咁我打算俾錢之際,個''3''既sales突然同我講話我上年5月先buy左個NEC N820,唔夠一年,係用唔到個優惠價buy,即係會相差$700,咁我即刻話要諗諗啦...因為加姐話如果係正價的話,咁唔需要俾''3''依個惊水台搵合約綁住,唔唔,i agree with you!!因為我對上兩次buy電話都係o係''3''度buy,一綁綁左幾年lu...又貴又唔抵,d 人服務態度奇差...

咁我地去完食野之後就去左衛訊睇睇...最後都係choose返k700i,而且佢重平d啊,雖然冇$700咁多,但都好過冇啦...最後trade埋個舊鬼機(舊到冇得再舊既panasonic GD95),用左$2180 buy左...我覺得幾好呀部機,越睇越好,yeah~

聽日同亞彤去剪頭髮,希望有個新形象啊~~