麻Q煩依幾日都上唔到網,唔係,係上到網但開唔到網頁至真...今日先攪得掂,激死...之前果兩日都o係屋企訓到死左...但有樣好事,就係我做好左IBA既第一,二(一半)題喇,好開心啊,但打算搵多少少資料再加多d野,而且都仲有d野唔係好明...要返去問問d勁人先再做...哈哈,至少之前定既目標,自己都做得做...

講返今日,九點半起身,但一起身就條頸就好痛,唉...之後就出發去游水~之前都話有加姐陪我,但今日就自己一條友去,可能個<背狼>太重既關係,行去泳池果條路,,已經係超攰囉,但自己一個人果種感覺好正,冇人煩住哂,好有果時自己去日本果種feel,之後去到十點半,游到十一點幾,攪掂哂十二點就走lu~去左搵媽媽佢地食lunch,之後返到屋企,由於太累既關係, so 又去左訓晏覺,睇黎今晚都唔可以早訓la~~

超眼訓囉今日..又係八點好準時咁起身~返到去上中文堂連亞sir都問我仲咩今日咁準時,呵呵~下學期開左咁耐學,我都係第一次成個星期返齊哂所有堂,happy~原來自己係做得到架~~
上ICEM我,da,mo&介又鋤dee,不過只係網上面既NetBig2姐...哈~我地玩到好嘈,原本kanny佢播緊video俾我地睇,但最後都熄左,佢話我地,佢有佢播,我地有我地玩咁...雖然係事實,但都好似好衰咁tim~

lunch 我地因為要去個死人pk'腦細'到影印,但佢攪左成半個鐘先話開唔到個file,妖,之後我地就去左置樂影,但當時已經1:55pm,我地又未食野,之後又要返IBA,好趕,但因為我爆Quota既關係,所以亞da同亞介就留o係果度整埋先,而我就同亞mo and Peggy返去先...好在最後大家都冇遲到~Yeah~而我地break就落左去食我地既lunch~

跟住上IBA講HRM 既Assignment,開始有D頭緒喇...要o係依個假期做好一大半先得~~放學我就同亞MO死左去圖書館,我就去整個中文,因為要趕住五點前交,所以要快手快腳...交完之後就一齊去左搵HRM D書,大家要加油啊~唉,不過我自己都有3本未睇啊...
後尾我地去左仙跡岩飲野,hea到六點幾,就一齊去置樂,因為亞mo and介要睇碟...最後就同亞介一齊搭小巴返屋企lu~~

今日要早d訓先得,錄起創世記聽日睇先~~

今日又係返早,但因為搭果架死人506,攪到又遲左十分鐘先返到去....之後都冇咩野,但Patrick佢今日派左兩組既innovation既project,但就未派到我地~唉,好鬼驚,因為Patrick佢話我地班有好d人做漏左好多野,而且佢會當住我地全班面前講講我地份野,超驚囉!!而今日都有一組人肥左,希望我地千祈唔好係第二組啊...不過唔知聽日會唔會派埋我地果組呢?!

之後普通話都係咁過啦,但我check過既attendance,超忟水囉, 因為我已經爆Quota,即係已經有六堂冇返喇...諗諗下,我都好似冇邊科冇爆quota lu....不過剩返既日子都唔係好多,希望捱得過啦....哈

Lunch我地去左大姆指,然後就返去上IBO lu,又如我所料,上堂冇耐又訓左,仲要發左兩個夢添~ 之後就係亞達同亞業既present,但我都冇咩點聽,因為我自己果份都未攪掂,雖然我五月先present,但都要爭取時間睇下自己份notes...跟住問埋Billy野就同亞介一齊搭車返歸lu~
返到黎攪個日記都攪左好耐,唉,<side>左成晚時間...