晨早流流就要起身,因為今日要返去交成績表報AD,仲要十二點前...正PK黎~難得星期六都唔可以訓耐D..但我都成十一點半先出門口,去到影埋印都唔係十一點九,跟住攪掂哂就去左柏麗樓下夾左D糖返去俾沚齊同波波食,返到去都只係十二點到,超快,一來一回,原來自己要快,真係可以快到咁~~~

之後實在太眼訓喇,返到去冇耐,飯都唔冇食又再攤返落張床繼續大覺訓~ 一訓就訓到夜晚既七點,連自己都覺得好驚人~之後成家落左街食飯,返上黎就一路Hea到而家...

好無聊既一日,亦都係最唔充實既一日,有d自責tim, 咁樣就浪費左一個美好既星期六~~黎緊仲有好多功課,睇黎又要安排下喇,因為下個月先返工,就更加冇時間喇,下個月開始,要返多d工搵錢,要返到爆鐘(70hrs)儲多d錢先留返七月用~哈

最近雖然好忙,但自己就諗左好多野...自己究竟想要d咩呢...

今日十點幾就起身,返去上ICEM.食完lunch之後就同亞da去左影印d小冊子,但攪左成個幾鐘先ok囉,而價錢就貴囉,12份野要成$100,好肉痛啊~重累我冇得上IBA一半堂,慢吞吞,仲俾Patrick話我就爆Quota tim..擔心. 之後返去打算交埋張AD 既Form,不過我地班好多人都唔知要帶成績表,攪到聽日又要特登返去柏麗交,麻鬼煩!! 
上完IBA就去左Present 中文lu,不過我地第四組,而且係亞介既show time...我地係唔駛講野,哈哈,但亞sir又冇特別話d咩咁囉~
完左present就同亞da,mo,介,肥溫同togo一行六人去左Beiji Beiji食飯,食完我地就去左市鎮公園度吹水,都坐左好耐,坐到十二點幾,就返屋企lu~

哈哈,返到黎仲可以睇到少少既<創世記>,好慘亞Joe,俾人綁架 ,好在冇睇到果Part姐...

今日又冇返IBA同普通話喇,死啦,我好似爆Quota喇...因為今朝實在太眼訓喇,成六點先返到屋企訓...so剩係上左IBO...之後放學我地個個都返左屋企訓,我就由五點幾訓到七點幾,好鬼累,之後食左D野就繼續同亞DA佢傾中文,我就負責做個小冊子,做到好晏,做到差不多五點先訓...

聽日返十一點,晏晝又要Present中文喇...又要著得靚靚喇...哈

P.S. 尋日亞介問左一個IQ/數學題~
Qs: 中環警署樓高三層,於一九零五年加建一層，其後逐漸擴建。咁到底中環警署而家總共有幾多層?
A.) 3層 B.) 4層 C.) 103層

Ans: