又係兩點幾先起身,唉,不過一起身就呆呆滯滯咁坐左o係度,之後就睇左陣電視又再開工做ICEM!

唉,都唔知點做,Send左個Email俾亞Sir,佢又死唔reply...都唔鬼知點做tim架 ...唉..而家八題先都只係做左一半,聽日要返去問問人...不過唔知聽日知唔知醒返學,又要返9:00,慘...

聽日放學又去拍野喇,希望聽日可以好快攪掂啦,我地IBA剩返一個星期做咋,都唔知趕唔趕得切,而且聽日又要返工,不過唔知聽日打返去話臨時返唔到會唔會好賤呢,哈 ...雖然而家一星期先返得果一日,一日都係返得果4,5個鐘,但我都係好似好累咁,但唔返連果少少錢都冇wor,真係矛盾....

今日成日都好鬼眼訓,但因為要去亞da度做功課,所以十二點就起左身...同媽媽佢食完野就出發去置樂--亞da家~~整好IBA D poster,product 同漫畫都差不多六點,於是我地就出發去蝴蝶灣BBQ~但亞DA就同亞介去左食野,所以我就返屋企拎鎖匙同換鞋...我地去到差不多七點半..都有十幾個人去,除左我,亞da,亞介外,仲有肥溫,家明,亞達,rocky,珊珊,parklane,亞業,同佢條女,仲有後尾先黎既Jenny同BILLY Sir~~後尾燒到十一點度,由於亞業佢要走先,於是我地就坐埋亞達既順風車去左置樂食糖水,哈哈,亞達果架係七人車,但我足足迫左十個人上去坐囉,好攪笑!見到亞達佢揸車咁定,自己真係好想走去學,但我都講左一年咯,都未捨得死去報名....

最後只係得我,亞da,亞介同肥溫四個人去食糖水...好攪笑囉,亞介同肥溫講d野好攪笑... 之後我地食到十二點幾就走lu~返到屋企一點都未夠..仲諗住今晚會玩到好夜tim...

我地已經plan左今個暑假要去台灣旅行啊,不過暫時都只係得我,亞da,同亞mo有意思去咋,我覺得四個人去就剛剛好...仲差一個啊!!

聽日要做哂ICEM份功課!!

今日原先打算去亞da度做IBA,但最後都冇去...於是o係屋企做左我自己果part既IBA之後,攪埋物流份功課,因為尋日睇完<哈爾>既關係,想繼續沉醉宮崎竣既電影度,所以就開左<千與千尋>睇,雖然睇左好好多次,但咁多次都係好好睇...

跟住7點度成家一齊去左食飯,之後就一直睇電視,無聊地過...
聽日約左亞介上去亞DA度做IBA,打算做完先去BBQ~希望聽日可以玩得開心D,乘機Relax下啊~哈哈